Will Ferrell staddur á Íslandi

Leikarinn góðkunni Will Ferrell er staddur á Íslandi þessa dagana. Ekki er ljóst hver ástæða heimsóknarinnar er, en talið er líklegt að hún sé í tilefni 48 ára afmæli hans á fimmtudag. Þetta kemur fram á vef Pressunnar.

Vinsælt þykir á meðal stórstjarna að fagna afmælisdeginum hér á landi, en nú nýlega hélt leikkonan Natalie Portman upp á 34 ára afmæli sitt sem og Jay-Z sem fagnaði sínum 45 árum, ásamt eiginkonu sinni Beyoncé, meðal annars á Suðurlandi.

Hollywoodleikarinn er einna best þekktur fyrir hlutverk sín í kvikmyndunum Austin Powers, Elf, Anchor man og Talladega Nights, svo eitthvað sé nefnt.

Hér má sjá brot af hans bestu kvikmyndum.