Bjuggu til púða svo Kanye gæti kúrt með sjálfum sér

Á vefsíðunni Kickstarter má finna fjöldan allan af allskonar söfnunum fyrir verkefni sem fólk vill hrinda í framkvæmd. Meðal þeirra sem finna má þar í augnablikinu má nefna Kanye West púða sem framleiðendur langar að gefa tónlistarmanninum.

Púðinn er 183 sentimetrar á lengd með mynd af Kanye. Að sögn framleiðenda púðans er hann svo líkur rapparanum að þegar þeir eru hlið við hlið sé varla möguleiki að sjá hvor sé hvað.

Það er hópur sem kallar sig The Brohaus Art Collective sem stendur að baki gjörningnum og en þeir segja ástæðuna fyrir honum vera augljósa. Kanye West hlýtur að sofa illa á nóttunni fyrst hann getur ekki kúrt með sjálfum sér. Þau vonast til þess að með púðanum sé sá vandi leystur.

Þeir sem láta ákveðna upphæð af hendi rakna geta meðal annars fengið að vera með í för þegar púðanum verður skutlað til Kanye. Ekki er enn vitað hvað rapparanum og eiginkonu hans, Kim Kardashian, þykir um uppátækið.