Umfjöllun, viðtöl, einkunnir og myndir: KR - Keflavík 4-0 | KR-ingar slátruðu Keflvíkingum Stefán Árni Pálsson á KR-velli skrifar 31. maí 2015 00:01 vísir/pjetur KR-ingar gengu hreinlega frá Keflvíkingum í Vesturbænum í kvöld og vann liðið 4-0 sigur í 6. umferð Pepsi-deildar karla í knattspyrnu. KR var mun betra liðið í leiknum og hamfarir Keflvíkingar halda áfram. Heimamenn gerðu þrjú mörk í síðari hálfleiknum. KR-ingar eru því enn í fullu fjöri í toppbaráttunni og eru í öðru sæti deildarinnar með 13 stig, jafnmörg stig og FH-ingar. Óskar Örn Hauksson gerði tvö mörk fyrir KR. Gestirnir úr Keflavík voru sprækir til að byrja með í leiknum og létu til sín taka. Spilið gekk ágætlega alveg fram að úrslitasendingunni, þá datt botninn úr sókninni. KR-ingar voru lengur að finna taktinn en hann kom með tímanum. Þegar um tuttugu mínútur voru liðnar af leiknum opnaðist vörn Keflvíkingar upp á gátt. Sören Frederiksen lagði boltann fyrir lappirnar á Þorsteini Má Ragnarssyni sem þrumaði honum í netið með vinstri fæti. Áður hafði Jacob Schoop vippaði boltanum vel inn fyrir vörn Keflvíkinga og splundrað henni. Eftir markið tóku KR-ingar öll völd á vellinum og Schoop var aftur á ferðinni nokkrum mínútum síðar þegar hann þrumaði boltanum í stöngina eftir frábært skot. Staðan var 1-0 fyrir KR í hálfleik og Keflvíkingar í nokkuð slæmum málum. Síðari hálfleikurinn hófst laglega fyrir KR-inga og voru þeir ekki lengi að komast í 2-0. Erlendur Eiríksson, dómari leiksins, dæmdi víti í upphafi hálfleiksins en Einar Orri Einarsson, togaði þá Pálma Rafn Pálmason niður. Óskar Örn fór á punktinn og skoraði örugglega. Óskar átti eftir að skora annað mark í leiknum og það var síðan Skúli Jón Friðgeirsson sem gerði einnig mark fyrir KR. KR-ingar eru á mikilli siglingu og að spila virkilega vel. Holningin á liðinu er fín og var sóknarleikur þeirra sérstaklega góður í kvöld. Með þessari spilamennsku verður liðið í baráttunni og titilinn. Keflvíkingar þurfa aftur á móti að fara í naflaskoðun. Liðið er með eitt stig, sóknarleikur þeirra er tilviljunarkenndur og ómarkviss. Ef ekki á illa að fara þarf Kristján Guðmundsson, þjálfari liðsins, að fá leikmenn liðsins til að trúa á sjálfan sig, því það gera þeir ekki í dag. Óskar Örn: Vorum alltaf með fín tök á leiknumÓskar Örn í leiknum í kvöld.„Við erum virkilega ánægðir með nokkuð öruggan og þægilegan sigur,“ segir Óskar Örn Hauksson, markaskorari KR, eftir leikinn. „Þeir koma inn í leikinn með bakið upp við vegg en mér fannst við gera þetta ágætlega. Við hefðum getað skorað mun fleiri mörk í kvöld og liðið er að spila nokkuð vel þessa stundina.“ Óskar segir að KR hafi verið með öll tök á leiknum í kvöld. Hann bætir því við enginn skjálfti hafi verið í Vesturbænum í byrjun móts. „Við vorum alltaf að spila vel. Þó svo að úrslitin voru ekkert frábær, var aldrei neitt stress hjá okkur.“ Óskar gerði tvö mörk í kvöld. „Ég er ánægður með það, alltaf gaman að skora en mikilvægast var að vinna leikinn.“ Kristján: Ég mun aldrei gefast uppKristján Guðmundsson í kvöld.„Við erum gríðarlega ósáttir með þriðja og fjórða markið sem við fáum á okkur í kvöld,“ segir Kristján Guðmundsson, þjálfari Keflavíkur, eftir tapið í kvöld. „Við áttum á köflum ágætis upphlaup en það vantaði að menn hefðu einfaldlega trú á þessu, trú á því að við gætum komið boltanum í markið.“ Kristján segist vera ánægður með orkuna og kraftinn í leikmönnum liðsins í kvöld. „Þetta var ekki auðvelt verkefni og þetta KR lið er alveg firnasterkt og það fór mikill kraftur og orka í það hjá okkur að elta þá. Þetta er sennilega besta lið sem við höfum spilað við á þessu ári.“ Keflavík er aðeins með eitt stig eftir sex umferðir. „Þeir sem þekkja mig, vita það að ég mun aldrei gefast upp í þessari stöðu. Við í Keflavík höfum séð það svartara. Við munum vinna saman í eina átt og rífa þetta upp.“ Bjarni um hugsanlega brottför Schoop: Höfum ekki fengið neina fyrirspurnBjarni er ánægður með sitt lið. „Ég er yfirleitt ánægður með mitt lið og er það einnig í kvöld,“ segir Bjarni Guðjónsson, þjálfari KR, í kvöld. „Þetta var ákveðin þolinmæðisvinna og Keflvíkingarnir mættu virkilega grimmir til leiks. Þeir eru vel skipulagðir og leikplanið þeirra gekk vel upp. Síðan þegar við komumst yfir, verður þetta erfitt fyrir þá.“ Bjarni segir að liðið hafi gengið á lagið þegar Keflvíkingarnir bættu í sóknina. „Ég er búinn að vera ánægður með liðið allt mótið, þrátt fyrir litla stigasöfnum í fyrstu tveimur leikjunum. Það var aldrei neitt stress í okkar hóp og ástæðan fyrir því að það var svo lítið sem við þurftum að laga.“ Jacob Schoop leikmaður KR var magnaður í kvöld. Umræða var um það á KR-vellinum í kvöld að verið væri að skoða leikmanninn og hann jafnvel á förum frá KR. „Það er eflaust verið að skoða Schoop en við höfum ekki fengið neina fyrirspurn og eins og staðan er hann leikmaður KR og verður það út tímabilið.“ Pepsi Max-deild karla Mest lesið „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Leggur til bíl ef félagið ákveður að ræna Antony Fótbolti Segir sína menn þurfa að vera í „meistara ásigkomulagi“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti „Þeir vilja náttúrulega fleiri leiki líka“ Körfubolti „Þetta var ákvörðun sem ég þurfti að taka“ Íslenski boltinn Mætir bróður sínum í úrslitum: „Staðfestur titill á okkar heimili“ Handbolti Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Dagskráin í dag: Sextán beinar útsendingar Sport Fleiri fréttir „Þetta var ákvörðun sem ég þurfti að taka“ „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Sjá meira
KR-ingar gengu hreinlega frá Keflvíkingum í Vesturbænum í kvöld og vann liðið 4-0 sigur í 6. umferð Pepsi-deildar karla í knattspyrnu. KR var mun betra liðið í leiknum og hamfarir Keflvíkingar halda áfram. Heimamenn gerðu þrjú mörk í síðari hálfleiknum. KR-ingar eru því enn í fullu fjöri í toppbaráttunni og eru í öðru sæti deildarinnar með 13 stig, jafnmörg stig og FH-ingar. Óskar Örn Hauksson gerði tvö mörk fyrir KR. Gestirnir úr Keflavík voru sprækir til að byrja með í leiknum og létu til sín taka. Spilið gekk ágætlega alveg fram að úrslitasendingunni, þá datt botninn úr sókninni. KR-ingar voru lengur að finna taktinn en hann kom með tímanum. Þegar um tuttugu mínútur voru liðnar af leiknum opnaðist vörn Keflvíkingar upp á gátt. Sören Frederiksen lagði boltann fyrir lappirnar á Þorsteini Má Ragnarssyni sem þrumaði honum í netið með vinstri fæti. Áður hafði Jacob Schoop vippaði boltanum vel inn fyrir vörn Keflvíkinga og splundrað henni. Eftir markið tóku KR-ingar öll völd á vellinum og Schoop var aftur á ferðinni nokkrum mínútum síðar þegar hann þrumaði boltanum í stöngina eftir frábært skot. Staðan var 1-0 fyrir KR í hálfleik og Keflvíkingar í nokkuð slæmum málum. Síðari hálfleikurinn hófst laglega fyrir KR-inga og voru þeir ekki lengi að komast í 2-0. Erlendur Eiríksson, dómari leiksins, dæmdi víti í upphafi hálfleiksins en Einar Orri Einarsson, togaði þá Pálma Rafn Pálmason niður. Óskar Örn fór á punktinn og skoraði örugglega. Óskar átti eftir að skora annað mark í leiknum og það var síðan Skúli Jón Friðgeirsson sem gerði einnig mark fyrir KR. KR-ingar eru á mikilli siglingu og að spila virkilega vel. Holningin á liðinu er fín og var sóknarleikur þeirra sérstaklega góður í kvöld. Með þessari spilamennsku verður liðið í baráttunni og titilinn. Keflvíkingar þurfa aftur á móti að fara í naflaskoðun. Liðið er með eitt stig, sóknarleikur þeirra er tilviljunarkenndur og ómarkviss. Ef ekki á illa að fara þarf Kristján Guðmundsson, þjálfari liðsins, að fá leikmenn liðsins til að trúa á sjálfan sig, því það gera þeir ekki í dag. Óskar Örn: Vorum alltaf með fín tök á leiknumÓskar Örn í leiknum í kvöld.„Við erum virkilega ánægðir með nokkuð öruggan og þægilegan sigur,“ segir Óskar Örn Hauksson, markaskorari KR, eftir leikinn. „Þeir koma inn í leikinn með bakið upp við vegg en mér fannst við gera þetta ágætlega. Við hefðum getað skorað mun fleiri mörk í kvöld og liðið er að spila nokkuð vel þessa stundina.“ Óskar segir að KR hafi verið með öll tök á leiknum í kvöld. Hann bætir því við enginn skjálfti hafi verið í Vesturbænum í byrjun móts. „Við vorum alltaf að spila vel. Þó svo að úrslitin voru ekkert frábær, var aldrei neitt stress hjá okkur.“ Óskar gerði tvö mörk í kvöld. „Ég er ánægður með það, alltaf gaman að skora en mikilvægast var að vinna leikinn.“ Kristján: Ég mun aldrei gefast uppKristján Guðmundsson í kvöld.„Við erum gríðarlega ósáttir með þriðja og fjórða markið sem við fáum á okkur í kvöld,“ segir Kristján Guðmundsson, þjálfari Keflavíkur, eftir tapið í kvöld. „Við áttum á köflum ágætis upphlaup en það vantaði að menn hefðu einfaldlega trú á þessu, trú á því að við gætum komið boltanum í markið.“ Kristján segist vera ánægður með orkuna og kraftinn í leikmönnum liðsins í kvöld. „Þetta var ekki auðvelt verkefni og þetta KR lið er alveg firnasterkt og það fór mikill kraftur og orka í það hjá okkur að elta þá. Þetta er sennilega besta lið sem við höfum spilað við á þessu ári.“ Keflavík er aðeins með eitt stig eftir sex umferðir. „Þeir sem þekkja mig, vita það að ég mun aldrei gefast upp í þessari stöðu. Við í Keflavík höfum séð það svartara. Við munum vinna saman í eina átt og rífa þetta upp.“ Bjarni um hugsanlega brottför Schoop: Höfum ekki fengið neina fyrirspurnBjarni er ánægður með sitt lið. „Ég er yfirleitt ánægður með mitt lið og er það einnig í kvöld,“ segir Bjarni Guðjónsson, þjálfari KR, í kvöld. „Þetta var ákveðin þolinmæðisvinna og Keflvíkingarnir mættu virkilega grimmir til leiks. Þeir eru vel skipulagðir og leikplanið þeirra gekk vel upp. Síðan þegar við komumst yfir, verður þetta erfitt fyrir þá.“ Bjarni segir að liðið hafi gengið á lagið þegar Keflvíkingarnir bættu í sóknina. „Ég er búinn að vera ánægður með liðið allt mótið, þrátt fyrir litla stigasöfnum í fyrstu tveimur leikjunum. Það var aldrei neitt stress í okkar hóp og ástæðan fyrir því að það var svo lítið sem við þurftum að laga.“ Jacob Schoop leikmaður KR var magnaður í kvöld. Umræða var um það á KR-vellinum í kvöld að verið væri að skoða leikmanninn og hann jafnvel á förum frá KR. „Það er eflaust verið að skoða Schoop en við höfum ekki fengið neina fyrirspurn og eins og staðan er hann leikmaður KR og verður það út tímabilið.“
Pepsi Max-deild karla Mest lesið „Gætum ekki verið spenntari að koma aftur til Íslands“ Fótbolti Tímabilinu líklega lokið hjá Orra Fótbolti Leggur til bíl ef félagið ákveður að ræna Antony Fótbolti Segir sína menn þurfa að vera í „meistara ásigkomulagi“ Körfubolti Uppgjörið: Grindavík - Stjarnan 95-92 | Rosalegasta endurkoma síðari ára Körfubolti „Þeir vilja náttúrulega fleiri leiki líka“ Körfubolti „Þetta var ákvörðun sem ég þurfti að taka“ Íslenski boltinn Mætir bróður sínum í úrslitum: „Staðfestur titill á okkar heimili“ Handbolti Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Handbolti Dagskráin í dag: Sextán beinar útsendingar Sport Fleiri fréttir „Þetta var ákvörðun sem ég þurfti að taka“ „Finnst þessir fyrstu tveir leikir hræðilegir“ Draumaendir Bjarka á ferlinum: „Loksins fann ég þjálfara sem virkilega skildi mig“ „Fannst ekkert gerast nema Fanndís væri að gera eitthvað“ „Hvað eru menn búnir að láta fífla sig út í?“ Vilja að Arna elti stóru systur: „Þær eru svakalegir íþróttamenn“ Sjáðu sjálfsmarkið sem skipti sköpum og fyrstu mörk Lífar Fylki og Keflavík spáð sigri í Lengjudeildunum Stokke í raðir Aftureldingar Bikarvörnin hefst gegn Fram „Held að Víkingar hafi keypt rangan framherja úr HK“ Bjarki um gjaldþrotið: „Þú ert niðurlægður á ákveðinn hátt“ Stúkan um Stjörnuna: „Er algjört kjaftæði“ Arnór Borg í Vestra og Fram fann markmann Víkingur fær leikmann úr dönsku B-deildinni „Fannst við halda góðri stjórn á leiknum“ Uppgjörið: Breiðablik - Fram 7-1 | Upprúllun í Kópavogi Uppgjörið: Víkingur R. - Þróttur R. 0-1 | Óheppilegt sjálfsmark skilaði gestunum sigri Hin þaulreynda Anna Björk heim í KR Henríetta lánuð til Þór/KA Aftur heim í Stjörnuna eftir dvöl hjá FH Gylfi valdið mestum vonbrigðum Telma mætt aftur með gullhanskann í Breiðablik Fagnaði tvítugsafmæli í gær og lánaður til FH í dag Stærsti sigur KR á ÍA í deildarleik Sannfærðir um að FH verði í fallbaráttu „Jæja Heimir, þú verður að hjálpa mér að enda þetta vel“ Sjáðu vítin á Hlíðarenda, skrautleg mörk í Garðabæ og umdeilt mark Fram TikTok-stjarna ÍBV dælir út efni frá Eyjum „Þetta var erfitt og maður var aldrei rólegur“ Sjá meira
Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Handbolti
Uppgjörið: Valur - Afturelding 33-29 | Afturelding send í sumarfrí og Valsmenn leika til úrslita Handbolti