Aðdáendur slegnir þegar Wu-Tang Clan afbókaði Secret Solstice-viðburð á Facebook

Margir aðdáendur rappsveitarinnar Wu-Tang Clan tóku andköf í kvöld þegar sá orðrómir komst á kreik að sveitin væri hætt við að koma fram á tónlistarhátíðinni Secret Solstice í Reykjavík í júní næstkomandi.

Tóku nokkrir glöggir Facebook-notendur eftir því að sveitin hafði afbókað viðburðinn um tónleikana á Secret Solstice á Facebook og bárust fréttirnar hratt út.

Ósk Gunnarsdóttir er kynningarfulltrúi Secret Solstice en hún segir tæknileg mistök hafa átt sér stað.

„Við erum erum búin að tala við umboðsmenn þeirra. Þetta var villa á Facebook sem varð þess valdandi að það leit út fyrir að þeir væru hættir við. Svoleiðis stóð þetta í nokkrar mínútur, en þeir eru að koma,“ segir Ósk.