Svona biður maður pírata: Myndband af umtalaðasta bónorði ársins birt

Inga Auðbjörg Kristjánsdóttir bað þingmannsins Helga Hrafns Gunnarssonar þann 4. apríl síðastliðinn þegar þau voru í ferð saman í Þýskalandi. Hún gerði það á heldur óvenjulegan máta en hún gerði það með svokölluðu „flashmob-i.“

 

Í myndbandi sem nú er á YouTube má sjá hvernig þetta atvikaðist en Helgi Hrafn sést standa úti í glugga og fylgjast með herlegheitunum. Í lok dansins lyftir fólkið upp klæðum sínum og saman mynda þau orðin „Vilt þú giftast mér?“ Í samtali við bleikt.is segir hún að það sé af feminískum ástæðum sem hún hafi beðið Helga en ekki öfugt.

Helgi sagði já og eru þau Inga Auðbjörg nú trúlofuð.