Bónorð í Berlín

Píratinn Helgi Hrafn hélt til Berlínar yfir páskahátíðina ásamt kærustunni sinni, Ingu Auðbjörgu.

Varð ferðin vægast sagt viðburðarík, þar sem Inga bað Helga um að giftast sér. Fór hún vægast sagt óhefðbundna leið til þess að bera upp bónorðið og fékk hóp fólks með sér í hópdans eða flashmob.

Horfði Helgi grunlaus á, þar til þau röðuðu sér í röð, lyftu upp bolnum og á maga þeirra var skrifað: „Viltu giftast mér?“

Helgi svaraði bónorðinu játandi við mikinn fögnuð viðstaddra.