Vestmannaeyjabær greitt rúma 5 milljarða af skuldum frá árinu 2006

Rekstrarafkoma Vestmannaeyjabæjar var jákvæð um 85 milljónir á króna á árinu 2014 samkvæmt ársreikningum bæjarins.

Tekjur sveitarfélagsins námu 4.084 milljónum króna en útgjöld 3.999 milljónum króna. Tekjurnar dragast saman 42 milljónir á milli ára og munar þar mest um að tekjur vegna útsvars lækka nokkuð, að því er segir í tilkynningu.

Þar kemur jafnframt fram að á seinustu 8 árum, eða frá árinu 2006, hefur Vestmannaeyjabær greitt niður skuldir fyrir 5,3 milljarða króna. Skuldir á hvern íbúa eru því nú um 130 þúsund krónur en bærinn stefnir að því að verða skuldlaus við lánastofnanir á næstu árum.