Settu upp sáttafund á milli geranda og þolanda heimilisofbeldis á Suðurlandi

Lögreglan á Suðurlandi var kölluð til vegna heimilisofbeldis föstudaginn langa. Þar hafði karlmaður ráðist á sambýliskonu sína sem hlaut af því minni háttar áverka. Samkvæmt tilkynningu frá lögreglunni á Suðurlandi var maðurinn handtekinn og yfirheyrður en lögreglan segir málið hafa verið unnið eftir verklagi sem lögreglan hefur áður sett upp.

Í því felst meðal annars að haldinn er sáttafundur með aðilum málsins sem gert var í þessum tilviki en að honum komu, ásamt lögreglu, verjandi, réttargæslumaður og fulltrúi félagsmálayfirvalda. Eftirfylgniaðilar munu að viku liðinni fara yfir stöðuna með sambýlisfólkinu.