Erlent

Bandaríkin kalla hermenn sína frá Líberíu

Samúel Karl Ólason skrifar
Barack Obama, forseti Bandaríkjanna.
Barack Obama, forseti Bandaríkjanna. Vísir/EPA
Barack Obama, forseti Bandaríkjanna, segir að flestir bandarískir hermenn í Líberíu verði farnir þaðan í lok apríl. Einungis hundrað af 2.800 verða eftir til að berjast gegn ebóluveirunni áfram. Forseti Líberíu segist segist vongóð um að hægt verði að sigra veiruna.

Ellen Johnson Sirleaf, forseti Líberíu, hefur þó áhyggjur af því að veiran muni koma aftur og segir að Líbería þurfi að hafa heilbrigðiskerfi sem virki. Þetta er haft eftir henni á vef BBC.

Síðustu tvær vikur hefur ebólusmitum fjölgað, en fyrir það hafði þeim fækkað verulega. Alþjóðaheilbrigðisstofnunin segir að í Síerra Leóne hafi flest ný tilfelli komið upp. Þar komu upp 76, 65 í Gíneu og þrjú í Líberíu.

Sirleaf þakkar alþjóðasamfélaginu fyrir hjálpina, en hún segir að það hjálp hafi borist seint. Þegar hún barst hafi það hjálpað gífurlega mikið.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.