Matur

Ofurheilsuskot: Aðeins fyrir þá hugrökkustu

Rikka skrifar
visir/rikka

Þetta ofurheilsuskot er alveg hreint magnað. Það er stútfullt af bólgueyðandi og hreinsandi efnum sem koma þér á heilsusamlegan hátt í gegnum veturinn og flensutíðina.



Uppskriftin er vikuskammtur af drykknum.

Ofurheilsuskot

200 g ferskt engifer

150 g ferskt túrmerik

safi af 1 sítrónu

4 hvítlauksrif

1 tsk chili flögur



Notið gúmmíhanska til þess að flysja túrmerikið og engiferið. Túrmerikið gefur frá sér mikinn lit sem erfitt er að ná úr og mæli ég því með því að nota gúmmíhanska. Skerið ræturnar niður í minni bita og setjið í matvinnsluvél ásamt sítrónusafa, hvítlauk og chili flögum. Vinnið hráefnið vel saman. Sigtið safann frá í sultukrukku eða annað ílát sem að safinn geymist vel í og hendið hratinu eða frystið í klakaboxum og notið í hrisstinga. Lokið krukkunni og geymið í kæli.



Eitt skot er svona um það bil 4-5 góðar matskeiðar. Mér finnst best að fá mér nokkra góða dropa af fljótandi D-vítamíni undir tunguna og fá mér svo skotið í kjölfarið.

Tengd skjöl


Tengdar fréttir

Búðu til þinn eigin íþróttadrykk

Flestir íþrótta- sem og orkudrykkir eru stútfullir af sykri og litarefnum. Af hverju ekki að prófa að búa til þinn eigin drykk sem kemur að sömu notum.

Spirulina súkkulaðimolar

Ef það er einhvern tímann hægt að segja að súkkulaði sé hollt þá eru það þessir molar sem bættir eru með bráðhollum hnetum, berjum og spirulina.

Múslí à la Hlalla

Þetta er ótrúlega gómsætt múslí sem þú verður að prófa að gera

Kræsilegt kjúklingasalat Rikku

Hér kemur uppskrift af bráhollu og brakandi fersku asísku kjúklingasalati úr smiðju Rikku. Þetta er matarmikið, ótrúlega bragðgott og einfalt.






Velkomin á Vísi. Þessi vefur notar vafrakökur. Sjá nánar.