Ef það er einhvern tímann hægt að segja að súkkulaði sé hollt þá eru það þessir molar sem bættir eru með bráðhollum hnetum, berjum og spirulina.
Spirulina súkkulaðimolar
450 g dökkt súkkulaði
50 g trönuber
50 g pistasíuhnetur
50 g valhnetur, saxaðar
1 msk. spirulina-duft
Bræðið súkkulaðið yfir vatnsbaði, bætið spirulina-duftinu saman við. Hellið matskeið af bráðna súkkulaðinu á pappírsklædda ofnplötu þannig að það myndi eins konar þunnan hring. Stráið söxuðu berjunum og hnetunum yfir og kælið.
