Sannar og ósannar minningar í sögum Gunnþóra Gunnarsdóttir skrifar 26. febrúar 2015 12:00 „Við höfum verið svo heppnar að fólkið sem við höfum leitað til hefur fagnað því að koma til okkar og fundist það heiður,“ segir Gréta. Vísir/Stefán „Gestirnir sem halda erindi í ár eru Hallgrímur Helgason, Kristín Steinsdóttir og Elísabet Jökulsdóttir og fyrirlestrarnir heita athyglisverðum nöfnum, Handsprengja á náttborðinu, Nokkrar konur og ein í dyragættinni og Hvað veit ég um mömmu?“ Þannig byrjar Gréta Sigurðardóttir að lýsa Júlíönu – hátíð sögu og bóka sem hefst í kvöld í Stykkishólmi og stendur fram á sunnudag. Viðfangsefnið í ár er minningar, sannar og ósannar, í sögum og bókum. Auk þeirra þátttakenda sem upp eru taldir má nefna Helgu Guðrúnu Johnson sem les úr bókinni Saga þeirra sagan mín í Bókaverzlun Breiðafjarðar, Önnu Margréti Ólafsdóttur sem verður með sögustund fyrir börn á Hótel Egilsen og grunnskólabörn sem eru með sýningu á verkefnum í Amtsbókasafninu. Hátíðin hefst í kvöld klukkan átta í Vatnasafninu með tónum frá Söngsveitinni Blæ og úthlutun viðurkenninga í myndbandasamkeppni grunnskólans. „Við vinnum með skólanum og erum líka með sögustundir í heimahúsum á föstudagskvöld, Stykkishólmur er ríkur af gömlum húsum, þau eru okkar menningararfur að hluta og þar verða fluttar sögur sem sumar tengjast húsunum,“ lýsir Gréta. Júlíönuhátíðin er sú þriðja í röðinni á jafnmörgum árum. „Ég fékk til liðs við mig þrjár góðar og vitrar konur í Hólminum, þær Þórunni Sigþórsdóttur landvörð, Dagbjörtu Höskuldsdóttur, fyrrverandi bóksala, og Sigríði Erlu Guðmundsdóttur, kennda við Leir 7,“ rifjar Gréta upp. „Þá var ég búin að ákveða hvað hátíðin ætti að heita. Júlíana Jónsdóttir var bæði í Akureyjum á Breiðafirði og Stykkishólmi og gaf út bók fyrst kvenna á Íslandi, ljóðabókina Stúlka sem kom út 1876. Ekki nóg með það heldur skrifaði Júlíana líka fyrsta leikverk sem flutt var opinberlega eftir íslenska konu, það hét Víg Kjartans Ólafssonar. Alexía Björk Jóhannesdóttir leikkona flutti það á bókahátíðinni í fyrra.“ Gréta stjórnar Hótel Egilsen sem er sögu- og bókahótel og hún segir fyrri bókahátíðir þar hafa verið afar vel heppnaðar. „Við vorum blautar bak við eyrun þegar við byrjuðum en höfum verið svo heppnar að fólkið sem við höfum leitað til hefur fagnað því að koma til okkar og fundist það heiður, svo það hefur sagt já eins og skot.“ Menning Mest lesið Stefán Einar keypti 145 milljón króna þakíbúð Lífið Háar hæðir og lágar lægðir Justins Bieber Lífið Typpi í einu gati, tæki í öðru Lífið „Broshýr var Bogi Ágústsson, er bindin sín Rúvurum gaf“ Tíska og hönnun Logi og Hallveig keyptu hús í 101 Lífið Arnór Ingvi og Andrea skinu skært í sænsku konungshöllinni Lífið Jói Fel ástfanginn, trúlofaður og fluttur í Hveragerði Lífið Sjáðu þrjátíu sekúndur af atriði VÆB í Eurovision Lífið VÆB opnar verslun í Kringlunni Lífið Reyndi við þrjár milljónir Lífið Fleiri fréttir Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
„Gestirnir sem halda erindi í ár eru Hallgrímur Helgason, Kristín Steinsdóttir og Elísabet Jökulsdóttir og fyrirlestrarnir heita athyglisverðum nöfnum, Handsprengja á náttborðinu, Nokkrar konur og ein í dyragættinni og Hvað veit ég um mömmu?“ Þannig byrjar Gréta Sigurðardóttir að lýsa Júlíönu – hátíð sögu og bóka sem hefst í kvöld í Stykkishólmi og stendur fram á sunnudag. Viðfangsefnið í ár er minningar, sannar og ósannar, í sögum og bókum. Auk þeirra þátttakenda sem upp eru taldir má nefna Helgu Guðrúnu Johnson sem les úr bókinni Saga þeirra sagan mín í Bókaverzlun Breiðafjarðar, Önnu Margréti Ólafsdóttur sem verður með sögustund fyrir börn á Hótel Egilsen og grunnskólabörn sem eru með sýningu á verkefnum í Amtsbókasafninu. Hátíðin hefst í kvöld klukkan átta í Vatnasafninu með tónum frá Söngsveitinni Blæ og úthlutun viðurkenninga í myndbandasamkeppni grunnskólans. „Við vinnum með skólanum og erum líka með sögustundir í heimahúsum á föstudagskvöld, Stykkishólmur er ríkur af gömlum húsum, þau eru okkar menningararfur að hluta og þar verða fluttar sögur sem sumar tengjast húsunum,“ lýsir Gréta. Júlíönuhátíðin er sú þriðja í röðinni á jafnmörgum árum. „Ég fékk til liðs við mig þrjár góðar og vitrar konur í Hólminum, þær Þórunni Sigþórsdóttur landvörð, Dagbjörtu Höskuldsdóttur, fyrrverandi bóksala, og Sigríði Erlu Guðmundsdóttur, kennda við Leir 7,“ rifjar Gréta upp. „Þá var ég búin að ákveða hvað hátíðin ætti að heita. Júlíana Jónsdóttir var bæði í Akureyjum á Breiðafirði og Stykkishólmi og gaf út bók fyrst kvenna á Íslandi, ljóðabókina Stúlka sem kom út 1876. Ekki nóg með það heldur skrifaði Júlíana líka fyrsta leikverk sem flutt var opinberlega eftir íslenska konu, það hét Víg Kjartans Ólafssonar. Alexía Björk Jóhannesdóttir leikkona flutti það á bókahátíðinni í fyrra.“ Gréta stjórnar Hótel Egilsen sem er sögu- og bókahótel og hún segir fyrri bókahátíðir þar hafa verið afar vel heppnaðar. „Við vorum blautar bak við eyrun þegar við byrjuðum en höfum verið svo heppnar að fólkið sem við höfum leitað til hefur fagnað því að koma til okkar og fundist það heiður, svo það hefur sagt já eins og skot.“
Menning Mest lesið Stefán Einar keypti 145 milljón króna þakíbúð Lífið Háar hæðir og lágar lægðir Justins Bieber Lífið Typpi í einu gati, tæki í öðru Lífið „Broshýr var Bogi Ágústsson, er bindin sín Rúvurum gaf“ Tíska og hönnun Logi og Hallveig keyptu hús í 101 Lífið Arnór Ingvi og Andrea skinu skært í sænsku konungshöllinni Lífið Jói Fel ástfanginn, trúlofaður og fluttur í Hveragerði Lífið Sjáðu þrjátíu sekúndur af atriði VÆB í Eurovision Lífið VÆB opnar verslun í Kringlunni Lífið Reyndi við þrjár milljónir Lífið Fleiri fréttir Opnaði sumarið með sólríkum stæl Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira