Fæ að leika skörunga Gunnþóra Gunnarsdóttir skrifar 5. mars 2015 13:00 Feðginin Júlía Margrét og Einar á förum upp í Borgarnes að æfa Skálmöld sem þau sýna þar næstu helgar. Vísir/GVA „Ég er nú bara að lesa og búa mig undir sýninguna sem við pabbi ætlum að vera með í Landnámssetrinu annað kvöld klukkan átta. Aðeins að reyna að ná textanum og koma mér í gírinn fyrir Steinvöru Sighvatsdóttur,“ segir Júlía Margrét Einarsdóttir glaðlega þegar slegið er á þráðinn til hennar. Hún ætlar að túlka söguna Skálmöld með höfundinum föður sínum, Einari Kárasyni, á Söguloftinu í Borgarnesi en hún fjallar um stórbrotin örlög, ris og fall fjölskyldu á Sturlungaöld. Júlía Margrét mun bregða sér í ýmis hlutverk, meira að segja Halldóru, húsfreyju á Grund, móður aðalpersónunnar Sturlu Sighvatssonar sem faðir hennar leikur. Júlía Margrét segir þau feðgin hafa tekið nokkrar góðar æfingar í Borgarnesi undanfarið og vera á förum þangað. „Það er mikilvægt fyrir mig að kynnast staðnum vel því ég er að koma þar fram í fyrsta skipti en þetta er sjötta sýningin hans pabba,“ segir Júlía og kveðst orðin spennt. „Ég hef ekkert komið fram á sviði síðan ég var í Herranótt þegar ég var sautján ára, þá lék ég gamlan karl í einhverjar fimm mínútur, þannig að þetta er stórt skref fram á við á mínum leikferli, sem líklega verður ekki mikið lengri en þetta! En nú fæ ég að leika skörunga – það dugar ekkert minna!“ Skáldsagan Skálmöld er fjórða og síðasta bókin í bókaflokki Einars sem byggður er á Íslendingabók Sturlu Þórðarsonar. Hún fjallar um uppgang Sturlu Sighvatssonar og dramatísk örlög hans, föður hans og bræðra. Sagan er skrifuð sem eintöl fjölda persóna, karla og kvenna, sem upplifðu þennan viðburðaríka tíma. Menning Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp Gerða og glæsilegar gellur á Edition Lífið Bitcoin fjárfestar gerðu sér glaðan dag í Grósku Lífið Halda samstöðutónleika á sama tíma og Ísland keppir í Eurovision Lífið Disneydraumurinn varð loks að veruleika Lífið Gæsahúð og allur tilfinningaskalinn á forsýningu Mari Bíó og sjónvarp Swing og hópkynlíf fyrir byrjendur! Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
„Ég er nú bara að lesa og búa mig undir sýninguna sem við pabbi ætlum að vera með í Landnámssetrinu annað kvöld klukkan átta. Aðeins að reyna að ná textanum og koma mér í gírinn fyrir Steinvöru Sighvatsdóttur,“ segir Júlía Margrét Einarsdóttir glaðlega þegar slegið er á þráðinn til hennar. Hún ætlar að túlka söguna Skálmöld með höfundinum föður sínum, Einari Kárasyni, á Söguloftinu í Borgarnesi en hún fjallar um stórbrotin örlög, ris og fall fjölskyldu á Sturlungaöld. Júlía Margrét mun bregða sér í ýmis hlutverk, meira að segja Halldóru, húsfreyju á Grund, móður aðalpersónunnar Sturlu Sighvatssonar sem faðir hennar leikur. Júlía Margrét segir þau feðgin hafa tekið nokkrar góðar æfingar í Borgarnesi undanfarið og vera á förum þangað. „Það er mikilvægt fyrir mig að kynnast staðnum vel því ég er að koma þar fram í fyrsta skipti en þetta er sjötta sýningin hans pabba,“ segir Júlía og kveðst orðin spennt. „Ég hef ekkert komið fram á sviði síðan ég var í Herranótt þegar ég var sautján ára, þá lék ég gamlan karl í einhverjar fimm mínútur, þannig að þetta er stórt skref fram á við á mínum leikferli, sem líklega verður ekki mikið lengri en þetta! En nú fæ ég að leika skörunga – það dugar ekkert minna!“ Skáldsagan Skálmöld er fjórða og síðasta bókin í bókaflokki Einars sem byggður er á Íslendingabók Sturlu Þórðarsonar. Hún fjallar um uppgang Sturlu Sighvatssonar og dramatísk örlög hans, föður hans og bræðra. Sagan er skrifuð sem eintöl fjölda persóna, karla og kvenna, sem upplifðu þennan viðburðaríka tíma.
Menning Mest lesið „Kveiktum næstum í öllu sumarbústaðalandinu“ Lífið Óstundvísi Steina sögð kosta tugi milljóna dollara Lífið Sagan á bak við djarft listaverk Ásdísar Ránar Lífið Eltihrellirinn í Baby Reindeer íhugar að leita réttar síns Bíó og sjónvarp Gerða og glæsilegar gellur á Edition Lífið Bitcoin fjárfestar gerðu sér glaðan dag í Grósku Lífið Halda samstöðutónleika á sama tíma og Ísland keppir í Eurovision Lífið Disneydraumurinn varð loks að veruleika Lífið Gæsahúð og allur tilfinningaskalinn á forsýningu Mari Bíó og sjónvarp Swing og hópkynlíf fyrir byrjendur! Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira