Pálmi vændur um óþokkahátt við þjálfun hunds síns

Hljóðið í Pálma Gestssyni, leikaranum kunna og veiðimanni, er þungt þegar hann svarar ávirðingum sem á hann eru bornar á Facebook. „Það er oft gott að kynna sér málin áður en maður fer að gaspra með tilfinningaklámi út í loftið um eitthvað sem maður hefur enga þekkingu á,“ segir Pálmi.

Það sem um ræðir er Facebookfærsla sem Eyþór Ingi Jónsson organisti við Akureyrarkirkju og fuglavinur, skrifar. Þar fordæmir hann Pálma og hans aðferðir við þjálfun hunds síns. „Fylgist með Pálma Gestssyni og öðrum köllum á N4 að monta sig í Eyjafirði yfir veiðihundunum sínum sem þeir þjálfa með því að skjóta máfa og svartfugl. Er virðingarleysi fyrir náttúrunni orðið algjört? Sér enginn siðleysi í því að drepa fugla til að henda þeim út í Eyjafjarðará svo hundar þeirra geti synt eftir þeim? Það er ekki „veiðiskapur“ að drepa fugl til að þjálfa hunda. Það er heldur ekki réttlætanlegt dráp til að koma í veg fyrir skaða.“

Pálmi segir að þarna skrifi „Einhver Akureyringur sem virðist hafa takmarkaða þekkingu á þjálfun veiðihunda og veiðiprófa. Kommentin sem á eftir fylgja kæri ég mig ekki um að lesa oft,“ segir Pálmi. Hann segir jafnframt að velkomið sé að rökræða vði Eyþór Inga en til þess þurfi hann að vera vinur hans á fb, sem hann er ekki. Þeir sem fylgjast með Pálma á Facebook vita að hann hefur lagt gríðarlega mikið í þjálfun hunds síns, tekið þátt í námsskeiðum og er stoltur af hundi sínum – og má vera það.

Athugsemdirnar á fb-vegg Eyþórs Inga eru afdráttarlausar, ein svohljóðandi: „Þvílíkir óþokkar sem þetta eru, þeir ættu skilið að bæði byssur og hundar væru tekin af þeim og þeim sjálfum stungið inn fyrir svona athæfi.“

Fylgist með Pálma Gestssyni og öðrum köllum á N4 að monta sig í Eyjafirði yfir veiðihundunum sínum sem þeir þjálfa með a...

Posted by Eyþór Ingi Jónsson on Thursday, July 2, 2015

Þetta skrifar einhver Akureyringur sem virðist hafa takmarkaða þekkingu á þjálfun veiðihunda og veiðiprófa. Kommentin...

Posted by Pálmi Gestsson on Thursday, July 2, 2015