Sjónvarpskokkurinn Gordon Ramsay á Íslandi

Sjónvarpskokkurinn og jafnlundarmaðurinn Gordon Ramsey er staddur hér á landi. Í gærkvöldi sást til hans spóka sig um á Apótekinu og framan af kvöldinu í kvöld hélt hann sig á 1919.

Ramsey á fjölda veitingastaða um allan heim og eru þeir þess heiðurs aðnjótandi að vera með fjórtán Michelin-stjörnur í heildina.

Hann hefur einnig getið sér gott orð í sjónvarpi til að mynda með þættina Hell‘s Kitchen, Kitchen Nightmares og verið gestur í fjölda annarra þátta.

Ekki er vitað hve lengi Ramsey ætlar að dvelja hér eða hvað hann er að gera en það er vonandi að kynni hans af Íslandi verði betri en þegar hann gæddi sér á hákarli með James May. Það atvik má sjá hér að neðan.