Ránsfengurinn úr útibúi Landsbankans í Borgartúni fannst í Öskjuhlíð um hádegisbil í dag. Rannsókn málsins verður framhaldið, en báðir ræningjanna eru í haldi lögreglu, og hefur annað þeirra játað. Farið verður fram á gæsluvarðhald yfir þeim síðar í dag.
Maðurinn sem játaði aðild sína að ráninu gaf sig fram í gærkvöldi eftir myndbirtingar lögreglu. Alls hafa fimm verið handteknir í tengslum við rannsókn málsins.
