Þetta eru kynþokkafyllstu grænmetisætur heims

Bandarísku dýraverndunarsamtökin PETA hafa valið leikkonuna Ellen Page og leikarann Jared Leto kynþokkafyllstu grænmetisætur heims árið 2014. 

Í rökstuðningi samtakanna fyrir valinu segir meðal annars að Ellen sé ekki aðeins leikkona sem hefur í nægu að snúast heldur einnig feministi, umhverfissinni, aðgerðarsinni og frumkvöðull.

„Það gerist ekki kynþokkafyllra,“ er einnig skrifað um þessa hæfileikaríku leikkonu.

„Jared er 42ja ára og hefur ekki elst í tuttugu ár,“ segir í umsögn um leikarann Jared Leto sem hefur verið grænmetisæta síðan hann var táningur.

Aðrar stjörnur sem komast á listann eru Jessica Chastain, Kristen Wiig, Russell Brand, Olivia Wilde, Natalie Portman og Carrie Underwood.