Mikil spenna í 1. deildinni

KA hleypti miklu lífi í toppbaráttu 1. deildarinnar er liðið sótti flottan 2-4 sigur á Akranes.

Húsvíkingurinn Hallgrímur Mar Steingrímsson fór mikinn í liði KA-manna og skoraði tvö mörk. Þar af lokamarkið í uppbótartíma.

KA er í fjórða sæti deildarinnar en aðeins tveim stigum á eftir ÍA sem er í öðru sæti. Pakkinn er því þéttur.

Selfoss og Grindavík gerðu síðan markalaust jafntefli og sitja því sem fastast í níunda og tíunda sæti deildarinnar.

Úrslit:

Selfoss-Grindavík  0-0

ÍA-KA  2-4

0-1 Hallgrímur Mar Steingrímsson (9.), 1-1 Garðar Gunnlaugsson, víti (12.), 1-2 Atli Sveinn Þórarinsson (18.), 1-3 Arsenij Buinickij (49.), 2-3 Jón Vilhelm Ákason (80.), 2-4 Hallgrímur Mar Steingrímsson (90.+2)

Upplýsingar um markaskorara: urslit.net.