Frægasti api landsins Gunnar Leó Pálsson skrifar 31. maí 2014 15:30 Lilli api ætlar að skemmta sér og öðrum úti um land allt í sumar með vinum sínum í Brúðubílnum. mynd/hálfdán Einn af máttarstólpum Brúðubílsins er eins og flestir vita enginn annar en Lilli api. Lilli hefur vakið mikla athygli enda einn hressasti og skemmtilegasti api sem fyrirfinnst á okkar fallegu jörð. Fréttablaðið vildi fræðast örlítið meira um apann knáa og lagði því fyrir hann nokkrar skemmtilegar spurningar. Af hverju heitir þú Lilli, þú ert nú ekkert svo lítill? Það er vegna þess að Gústi frændi og hinir aparnir eru stærri en ég. Hvað ertu eiginlega gamall? Helga segir allavega að ég sé fimm ára, þannig að ég hlýt að vera fimm ára. Hver er uppáhaldsmaturinn þinn og hver er uppáhaldsdrykkurinn þinn? Auðvitað bananar, af því að ég er api, og ískalt kranavatn. Nú ert þú svo fallegur á litinn, þess vegna verð ég að spyrja, áttu einhvern uppáhaldslit? Já, appelsínugulan, eins og ég sjálfur. Svona skemmtilegur api eins og þú hlýtur að eiga fullt af vinum. Hvað heitir besti vinur þinn? Ég á marga vini í Brúðubílnum. Dúskur, hann er vinur minn og Blárefurinn, þó hann sé svolítið stríðinn, Svarti Svalur er líka vinur minn. Hann er svo mikill brandarakarl. Og svo auðvitað allir krakkarnir. Þeir eru bestu vinir mínir og hjálpa mér oft til dæmis með stafina og að telja. Áttu þér einhverja uppáhaldshljómsveit og uppáhaldslag? Plebbabandið er uppáhaldshljómsveitin mín. Úlfarnir og refirnir spila á trommurnar og öll hljóðfærin. Oftast spilum við og syngjum „Öxar við ána“ og „Það var einu sinni api í ofsagóðu skapi“. Ég er alltaf í góðu skapi eins og Dúskur. Hvað hefur þú átt heima lengi í Brúðubílnum? Í óteljandi ár. Minnsta kosti 100 ár eða meira. Hvað ætlar þú að verða þegar þú verður stór? Ég ætla að verða geimfari eða brúðustjórnandi eins og Helga eða kannski forseti. Hvað ætlar Lilli að gera í sumar, fara til útlanda eða eitthvað svoleiðis? Ég ætla að hitta alla krakkana. Á hverjum degi eru margar sýningar, minnsta kosti tvær. Og svo líka að fara út um allt Ísland, til dæmis til Grindavíkur og Vestmannaeyja og bara hitta alla krakkana á Íslandi. Er eitthvað meira skemmtilegt sem Lilli vill bæta við? Mig langar að syngja fyrir alla krakkana uppáhaldslagið mitt „Í rólunni sit ég og syng lítið lag“, ég held meira að segja að ég megi syngja það í sumar og Svarti Svalur og krakkarnir syngja með. Það er ofsalega gaman í Brúðubílnum sérstaklega þegar það er ausandi rigning, og allir krakkarnir í allavega litum pollagöllum og ég líka. Lilli api og allir vinir hans í Brúðubílnum verða á ferð og flugi í allt sumar út um land allt og hlakka til að hitta alla hressu krakkana. Menning Mest lesið Af vængjum fram: Búlgörsku mafíunni að mæta yrði Ásdísi dömpað Lífið Af vængjum fram: „Krakkar, ekki gera þetta heima“ Lífið Matti og tengdó selja 220 milljóna króna einbýlishús Lífið „Eru endaþarmsmök hættuleg?“ Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Stóðu upp og klöppuðu í fimm mínútur fyrir Ljósbroti Bíó og sjónvarp Inga Lind selur íbúð við Valshlíð Lífið Smekklegt einbýli í Fossvogi á 230 milljónir Lífið Endurtekið hvött til að hvíla bláa litinn Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Einn af máttarstólpum Brúðubílsins er eins og flestir vita enginn annar en Lilli api. Lilli hefur vakið mikla athygli enda einn hressasti og skemmtilegasti api sem fyrirfinnst á okkar fallegu jörð. Fréttablaðið vildi fræðast örlítið meira um apann knáa og lagði því fyrir hann nokkrar skemmtilegar spurningar. Af hverju heitir þú Lilli, þú ert nú ekkert svo lítill? Það er vegna þess að Gústi frændi og hinir aparnir eru stærri en ég. Hvað ertu eiginlega gamall? Helga segir allavega að ég sé fimm ára, þannig að ég hlýt að vera fimm ára. Hver er uppáhaldsmaturinn þinn og hver er uppáhaldsdrykkurinn þinn? Auðvitað bananar, af því að ég er api, og ískalt kranavatn. Nú ert þú svo fallegur á litinn, þess vegna verð ég að spyrja, áttu einhvern uppáhaldslit? Já, appelsínugulan, eins og ég sjálfur. Svona skemmtilegur api eins og þú hlýtur að eiga fullt af vinum. Hvað heitir besti vinur þinn? Ég á marga vini í Brúðubílnum. Dúskur, hann er vinur minn og Blárefurinn, þó hann sé svolítið stríðinn, Svarti Svalur er líka vinur minn. Hann er svo mikill brandarakarl. Og svo auðvitað allir krakkarnir. Þeir eru bestu vinir mínir og hjálpa mér oft til dæmis með stafina og að telja. Áttu þér einhverja uppáhaldshljómsveit og uppáhaldslag? Plebbabandið er uppáhaldshljómsveitin mín. Úlfarnir og refirnir spila á trommurnar og öll hljóðfærin. Oftast spilum við og syngjum „Öxar við ána“ og „Það var einu sinni api í ofsagóðu skapi“. Ég er alltaf í góðu skapi eins og Dúskur. Hvað hefur þú átt heima lengi í Brúðubílnum? Í óteljandi ár. Minnsta kosti 100 ár eða meira. Hvað ætlar þú að verða þegar þú verður stór? Ég ætla að verða geimfari eða brúðustjórnandi eins og Helga eða kannski forseti. Hvað ætlar Lilli að gera í sumar, fara til útlanda eða eitthvað svoleiðis? Ég ætla að hitta alla krakkana. Á hverjum degi eru margar sýningar, minnsta kosti tvær. Og svo líka að fara út um allt Ísland, til dæmis til Grindavíkur og Vestmannaeyja og bara hitta alla krakkana á Íslandi. Er eitthvað meira skemmtilegt sem Lilli vill bæta við? Mig langar að syngja fyrir alla krakkana uppáhaldslagið mitt „Í rólunni sit ég og syng lítið lag“, ég held meira að segja að ég megi syngja það í sumar og Svarti Svalur og krakkarnir syngja með. Það er ofsalega gaman í Brúðubílnum sérstaklega þegar það er ausandi rigning, og allir krakkarnir í allavega litum pollagöllum og ég líka. Lilli api og allir vinir hans í Brúðubílnum verða á ferð og flugi í allt sumar út um land allt og hlakka til að hitta alla hressu krakkana.
Menning Mest lesið Af vængjum fram: Búlgörsku mafíunni að mæta yrði Ásdísi dömpað Lífið Af vængjum fram: „Krakkar, ekki gera þetta heima“ Lífið Matti og tengdó selja 220 milljóna króna einbýlishús Lífið „Eru endaþarmsmök hættuleg?“ Lífið Baltasar og Sunneva afhjúpa kynið Lífið Forseti Hæstaréttar og Kristján Loftsson í gámapartýi Lífið Stóðu upp og klöppuðu í fimm mínútur fyrir Ljósbroti Bíó og sjónvarp Inga Lind selur íbúð við Valshlíð Lífið Smekklegt einbýli í Fossvogi á 230 milljónir Lífið Endurtekið hvött til að hvíla bláa litinn Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira