Mads Nielsen: Íslenskan er mesta vandamálið Tómas Þór Þórðarson skrifar 7. maí 2014 06:00 Mads Nielsen lét KR-inga hafa fyrir hlutunum á gervigrasinu í Laugardal í fyrstu umferð. Vísir/Vilhelm „Ég er hrikalega ánægður með þessa byrjun,“ segir Mads Lennart Nielsen, 19 ára gamall miðvörður Vals, sem átti stórleik í hjarta varnarinnar er Hlíðarendapiltar lögðu Íslandsmeistara KR, 2-1, í fyrstu umferð Pepsi-deildar karla í knattspyrnu. Hann er leikmaður umferðarinnar hjá Fréttablaðinu fyrir sína frammistöðu. „Við bjuggumst við meiru frá KR en við vissum að ef við gætum pressað hátt, haldið haus og verið einbeittir þá gætum við unnið þá,“ segir Daninn sem hefur litið sífellt betur út eftir að hann kom til Valsmanna í vetur.Byrjaði sem framherji Þessi öflugi miðvörður var einnig nokkuð skæður í vítateig andstæðinganna á undirbúningstímabilinu en það hefur sína skýringu. „Ég var framherji þegar ég var yngri. Það var svolítið erfitt að skipta yfir í miðvörðinn þegar ég var beðinn um það en ég var fljótur að aðlagast. Mér var alveg sama hvar ég spilaði, bara svo lengi sem ég fékk að spila. Ég get spilað hvaða stöðu sem er,“ segir Nielsen, sem á að baki leiki með öllum yngri landsliðum Dana.Vildi standa á eigin fótum Nielsen er í eigu danska stórliðsins Bröndy en hann hefur verið á mála hjá liðinu í fjögur og hálft ár. Hann fékk þó lítið að spila og því var brugðið á það ráð að koma honum eitthvert á lán. „Ég var fimmti maðurinn í mína stöðu hjá Bröndby þannig að ég vildi komast eitthvað annað og fá að spila. Annars verður maður ekkert betri,“ segir Daninn ungi en honum bauðst að fara til liða í föðurlandinu. Honum hugnaðist það þó ekki því það virtist of auðvelt. Nielsen vildi komast í annað umhverfi þar sem hann þyrfti að vinna fyrir hlutunum og læra að standa á eigin fótum. „Mér bauðst að fara til liða í Danmörku á láni en síðan var þessi möguleiki að koma til Íslands. Ég tók þá ákvörðun sjálfur að ég vildi komast burt til að þroskast sem persóna og leikmaður. Ég sagði fjölskyldunni minni og liðinu að ég vildi nýta þetta tækifæri og svo er bara að sjá hvað þetta gerir fyrir mig,“ segir hann.Tungumálið erfitt Nielsen líkar lífið á Íslandi. Hann segir muninn lítinn á Danmörku á Íslandi en það sé þó eitt sem hann ræður illa við. „Ég nýt lífsins hérna. Ísland er ekki ósvipað Danmörku. Eini munurinn eru fjöllin. Já, og tungumálið. Það er mesta vandamálið. En sem betur fer tala allir ensku og margir tala líka dönsku þannig þetta er í lagi. En íslenskan er mesta vandamálið,“ segir Nielsen, sem býr með enska bakverðinum James Hurst. „Þegar ég kom fyrst bjó ég með Nesta (Matarr Jobe) og Lukas Ohlander. En síðan kom Hurst og þá vorum við settir saman. Hann er alveg virkilega góður gaur sem gaman er að deila íbúð með.“Er bara einn leikur Nielsen er spenntur fyrir sumrinu og möguleikum Valsmanna sem setja stefnuna á Evrópusæti. En eru vonirnar orðnar meiri núna eftir að Íslandsmeistararnir voru sigraðir í fyrsta leik? „Við erum allavega með mjög gott lið. En þetta er bara einn leikur. Við vorum vissulega að vinna besta liðið en það vilja öll liðin í deildinni vinna titilinn. Við sjáum bara til hvað gerist. Næst mætum við Keflavík á fimmtudaginn og ef við töpum þar og KR vinnur sinn leik erum við aftur jöfn að stigum. Þetta er bara rétt að byrja,“ segir Mads Lennart Nielsen. Pepsi Max-deild karla Mest lesið Real Madrid Evrópumeistari í fimmtánda sinn Fótbolti Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Uppgjörið: KA - ÍA 2-3 | Skagamenn sóttu sigur norður Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Karabatic skaut niður markvörðinn í síðasta skoti ferilsins Handbolti McIlroy fékk löggu til að afhenda konu sinni skilnaðarpappírana Golf Fleiri fréttir Uppgjörið: KA - ÍA 2-3 | Skagamenn sóttu sigur norður KA-menn hafa geta treyst á stigin í Skagaleikjunum síðustu ár Ráku Brynjar Björn strax eftir leik Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Fyrstu sigrar Aftureldingar og Þróttar Njarðvíkingar rústuðu Þórsurum Líkti stórleiknum við messu: „Saknaði tryllingsins“ Leikdagurinn: Væri líklega kokkur ef frændurnir hefðu ekki látið hana standa í marki „Ég hef mjög gaman af því að æsa Arnar upp“ Sjáðu Víkinga ná stigi í uppbótatíma og Valsmenn leika sér að Stjörnunni Þróttarar langöflugastir í sölu á varningi og veitingum Fram og Grótta jöfn á toppnum „Búið að sitja aðeins í manni“ „Förum ekki að vorkenna okkur“ „Gott að fá sjálfstraust“ Uppgjör: Valur - Stjarnan 5-1 | Magalending Stjörnunnar á Hlíðarenda Uppgjör: Breiðablik - Víkingur R. 1-1 | Meistararnir björguðu stigi í uppbótartíma Systkinin sömdu bæði við Skagaliðið Breiðablik-Víkingur: Rígurinn sem reisti deildina upp frá dauðum Færeyingar á undan Íslendingum í VAR-málum Davíð Smári ekki á hliðarlínunni í næsta leik Vestra Markvarðamartröð KR: „Getur ekki barist um titla þegar markverðirnir gefa trúðamörk“ Fjögur félög græddu langmest á félagaskiptum Létu Valsmenn heyra það: „Þarna sjáið þið hvað þeim er farið að líða illa“ „Tanaður Lárus Orri mættur á svæðið“ Langþráð í Lautinni: Sjáðu mörkin úr fyrsta sigri Fylkismanna Sjá meira
„Ég er hrikalega ánægður með þessa byrjun,“ segir Mads Lennart Nielsen, 19 ára gamall miðvörður Vals, sem átti stórleik í hjarta varnarinnar er Hlíðarendapiltar lögðu Íslandsmeistara KR, 2-1, í fyrstu umferð Pepsi-deildar karla í knattspyrnu. Hann er leikmaður umferðarinnar hjá Fréttablaðinu fyrir sína frammistöðu. „Við bjuggumst við meiru frá KR en við vissum að ef við gætum pressað hátt, haldið haus og verið einbeittir þá gætum við unnið þá,“ segir Daninn sem hefur litið sífellt betur út eftir að hann kom til Valsmanna í vetur.Byrjaði sem framherji Þessi öflugi miðvörður var einnig nokkuð skæður í vítateig andstæðinganna á undirbúningstímabilinu en það hefur sína skýringu. „Ég var framherji þegar ég var yngri. Það var svolítið erfitt að skipta yfir í miðvörðinn þegar ég var beðinn um það en ég var fljótur að aðlagast. Mér var alveg sama hvar ég spilaði, bara svo lengi sem ég fékk að spila. Ég get spilað hvaða stöðu sem er,“ segir Nielsen, sem á að baki leiki með öllum yngri landsliðum Dana.Vildi standa á eigin fótum Nielsen er í eigu danska stórliðsins Bröndy en hann hefur verið á mála hjá liðinu í fjögur og hálft ár. Hann fékk þó lítið að spila og því var brugðið á það ráð að koma honum eitthvert á lán. „Ég var fimmti maðurinn í mína stöðu hjá Bröndby þannig að ég vildi komast eitthvað annað og fá að spila. Annars verður maður ekkert betri,“ segir Daninn ungi en honum bauðst að fara til liða í föðurlandinu. Honum hugnaðist það þó ekki því það virtist of auðvelt. Nielsen vildi komast í annað umhverfi þar sem hann þyrfti að vinna fyrir hlutunum og læra að standa á eigin fótum. „Mér bauðst að fara til liða í Danmörku á láni en síðan var þessi möguleiki að koma til Íslands. Ég tók þá ákvörðun sjálfur að ég vildi komast burt til að þroskast sem persóna og leikmaður. Ég sagði fjölskyldunni minni og liðinu að ég vildi nýta þetta tækifæri og svo er bara að sjá hvað þetta gerir fyrir mig,“ segir hann.Tungumálið erfitt Nielsen líkar lífið á Íslandi. Hann segir muninn lítinn á Danmörku á Íslandi en það sé þó eitt sem hann ræður illa við. „Ég nýt lífsins hérna. Ísland er ekki ósvipað Danmörku. Eini munurinn eru fjöllin. Já, og tungumálið. Það er mesta vandamálið. En sem betur fer tala allir ensku og margir tala líka dönsku þannig þetta er í lagi. En íslenskan er mesta vandamálið,“ segir Nielsen, sem býr með enska bakverðinum James Hurst. „Þegar ég kom fyrst bjó ég með Nesta (Matarr Jobe) og Lukas Ohlander. En síðan kom Hurst og þá vorum við settir saman. Hann er alveg virkilega góður gaur sem gaman er að deila íbúð með.“Er bara einn leikur Nielsen er spenntur fyrir sumrinu og möguleikum Valsmanna sem setja stefnuna á Evrópusæti. En eru vonirnar orðnar meiri núna eftir að Íslandsmeistararnir voru sigraðir í fyrsta leik? „Við erum allavega með mjög gott lið. En þetta er bara einn leikur. Við vorum vissulega að vinna besta liðið en það vilja öll liðin í deildinni vinna titilinn. Við sjáum bara til hvað gerist. Næst mætum við Keflavík á fimmtudaginn og ef við töpum þar og KR vinnur sinn leik erum við aftur jöfn að stigum. Þetta er bara rétt að byrja,“ segir Mads Lennart Nielsen.
Pepsi Max-deild karla Mest lesið Real Madrid Evrópumeistari í fimmtánda sinn Fótbolti Ráku Brynjar Björn strax eftir leik Íslenski boltinn Óli Jó skellihló eftir pillu Heimis til KSÍ: „Takk fyrir mig“ Íslenski boltinn Uppgjörið: KA - ÍA 2-3 | Skagamenn sóttu sigur norður Íslenski boltinn Freyr þakklátari fyrir ótrúlegustu hluti: „Búið að vera erfitt“ Fótbolti Urðu að sætta sig silfrið þrátt fyrir magnaða endurkomu Handbolti Afi skenkti leikmönnum Dortmund bjór Fótbolti Mike Tyson frestar bardaganum á móti Jake Paul Sport Karabatic skaut niður markvörðinn í síðasta skoti ferilsins Handbolti McIlroy fékk löggu til að afhenda konu sinni skilnaðarpappírana Golf Fleiri fréttir Uppgjörið: KA - ÍA 2-3 | Skagamenn sóttu sigur norður KA-menn hafa geta treyst á stigin í Skagaleikjunum síðustu ár Ráku Brynjar Björn strax eftir leik Óli Jó skellihló eftir pillu Heimis til KSÍ: „Takk fyrir mig“ Sjáðu markaveisluna og magnaða endurkomu Framara á móti FH „Veit ekki hvaðan þetta kom allt frá okkur“ „Eftir að við fengum á okkur fyrsta markið slökktum við á okkur“ Uppgjör: FH - Fram 3-3 | Ótrúleg endurkoma Fram í Krikanum Fyrstu sigrar Aftureldingar og Þróttar Njarðvíkingar rústuðu Þórsurum Líkti stórleiknum við messu: „Saknaði tryllingsins“ Leikdagurinn: Væri líklega kokkur ef frændurnir hefðu ekki látið hana standa í marki „Ég hef mjög gaman af því að æsa Arnar upp“ Sjáðu Víkinga ná stigi í uppbótatíma og Valsmenn leika sér að Stjörnunni Þróttarar langöflugastir í sölu á varningi og veitingum Fram og Grótta jöfn á toppnum „Búið að sitja aðeins í manni“ „Förum ekki að vorkenna okkur“ „Gott að fá sjálfstraust“ Uppgjör: Valur - Stjarnan 5-1 | Magalending Stjörnunnar á Hlíðarenda Uppgjör: Breiðablik - Víkingur R. 1-1 | Meistararnir björguðu stigi í uppbótartíma Systkinin sömdu bæði við Skagaliðið Breiðablik-Víkingur: Rígurinn sem reisti deildina upp frá dauðum Færeyingar á undan Íslendingum í VAR-málum Davíð Smári ekki á hliðarlínunni í næsta leik Vestra Markvarðamartröð KR: „Getur ekki barist um titla þegar markverðirnir gefa trúðamörk“ Fjögur félög græddu langmest á félagaskiptum Létu Valsmenn heyra það: „Þarna sjáið þið hvað þeim er farið að líða illa“ „Tanaður Lárus Orri mættur á svæðið“ Langþráð í Lautinni: Sjáðu mörkin úr fyrsta sigri Fylkismanna Sjá meira