Innlent

Geta ekki ættleitt erlendis frá

Jóhanna Margrét Einarsdóttir skrifar
Hinsegin fólk hefur lagalegan rétt til að ættleiða börn erlendis frá. Það skortir hins vegar samninga við ríki sem leyfa ættleiðingar samkynhneigðra. nordicphoto/AFS
Hinsegin fólk hefur lagalegan rétt til að ættleiða börn erlendis frá. Það skortir hins vegar samninga við ríki sem leyfa ættleiðingar samkynhneigðra. nordicphoto/AFS

 Ekkert samkynhneigt par á Íslandi ættleiddi barn erlendis frá á árunum 2008 til 2012. Þetta kemur fram í skriflegu svari Hönnu Birnu Kristjánsdóttur innanríkisráðherra við fyrirspurn frá Jóhönnu Maríu Sigmundsdóttur, þingmanni Framsóknarflokks.

Á umræddu tímabili var 81 barn frumættleitt til landsins af 71 pari.

Þau lönd sem helst er ættleitt frá eru Indland, Kína, Kólumbía, Tékkland og Tógó.
Jóhanna María spurði hvort það hafi verið skoðað að gera samninga við lönd sem ekki er ættleitt frá sem stendur en leyfa ættleiðingar til samkynhneigðra.

Ráðuneytið segir að ættleiðingar milli landa fari fram fyrir milligöngu löggiltra ættleiðingafélaga. Það sé mat ráðuneytisins að það sé hlutverk þeirra að hafa frumkvæði að því að afla nýrra sambanda við upprunaríki um ættleiðingar.

Sérstaklega er tekið fram að ráðuneytið hafi þær upplýsingar frá Íslenskri ættleiðingu að það sé virkur samstarfshópur félagsins og Samtakanna "78 sem hafi unnið að því að kanna möguleika á ættleiðingum til samkynhneigðra.

Ráðherra segist styðja slíkar umleitanir og telur farsælt að gera samninga við þau ríki sem leyfa ættleiðingar til samkynhneigðra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.