Lokatilraun til að semja um sjúkraflutninga

Stjórn slökkviliðs höfuðborgarsvæðisins hefur sett tímamörk við 10. mars næstkomandi til að ná samkomulagi við ríkið um greiðslur fyrir sjúkraflutninga.

Eins og kunnugt er telur slökkviliðið ríkið skulda hátt í einn milljarð króna vegna sjúkraflutninganna.

Gunnar Einarsson, bæjarstjóri Garðabæjar, átti fund með Kristjáni Þór Júlíussyni heilbrigðisráðherra og Bjarna Benediktssyni fjármálaráðherra 6. febrúar og þar var settur saman viðræðuhópur til að sannreyna og kanna áreiðanleika talna í samkomulagsgrundvelli frá 1. febrúar í fyrra.