Óhöppum fjölgar um 50 prósent

Umferðaróhöppum sem tengjast akstri undir áhrifum fíkniefna fjölgaði um fimmtíu prósent í janúar, samanborið við þrjá mánuðina á undan.

Óhöppum sem tengjast ölvunarakstri fjölgaði jafnframt um fimmtíu prósent í mánuðinum. Þetta kemur fram í afbrotatölfræði lögreglustjórans á höfuðborgarsvæðinu.

Þegar fjöldi brota er borinn saman við meðaltal síðustu þriggja mánaða kemur í ljós að hegningarlagabrotum fækkaði um fimm prósent.

Innbrotum fækkaði um fjörutíu prósent samanborið við sama tímabil síðustu þriggja ára.