Geggjað að nostra við Excel

1. Hvað halda margir um þig sem er alls ekki rétt? Að ég sé Nilli.

2.Hvað kæmi fólki sem kynntist þér mest á óvart? Ég á mér rosalega praktíska hlið. Mér finnst alveg geggjað að nostra við einhver Excel-skjöl. Eftirfylgni Excel-skjala áætlana. Ekki jafn góð.

3. Hvað kemur út á þér tárunum? Ég er viðkvæmur snemma á morgnana. Mynd af krökkum sem söfnuðu 3.500 krónum með tombólu fyrir Rauða krossinn getur dugað til.

4. Hvað gerir þig pirraðan? Að kaupa í matinn, skafa bílinn, mæta á fundi, að þurfa að pissa, svara tölvupósti, bíða eftir fólki, bíða eftir mat, of kaldar sturtur, sírennsli í klósettum, þegar maður er blautur á fótunum, skammdegið, kuldinn, vindurinn, útrunnin matvæli, umferðin og þá helst dónaskapur í umferðinni. Þetta virkar eins og ég sé alltaf pirraður en ég tek fram að þetta er algjörlega tæmandi listi. Ég er í raun mjög skapgóður og dagfarsprúður náungi.

5. Hvað er fyndnast í heimi? Segjum bara Mið-Íslandsuppistandið. Lítillæti er svo mikið anno 2008-2011.

6. Er líf á öðrum hnöttum? Mér finnst það líklegt. Hef ekki miklar áhyggjur samt. Ég er „team“ Homo sapiens. Við erum langflottust.

7. Hvert er fallegasta hljóð sem þú hefur heyrt? Windows 95 startup-„soundið“. Ég var svo spenntur þegar ég fékk tölvu að ég endurræsti hana 120 sinnum á dag til að heyra þetta hljóð. Hún bræddi úr sér á innan við þremur vikum.

8. Hvað gerirðu þegar allir aðrir eru sofnaðir? Stari á Gordon Ramsey-þætti í iPadinum. Ég sofna alltaf svangur eins og börnin hans Bjarts í Sumarhúsum.

9. Hvaða frægu persónu ertu skotinn í? Ég er óður í þessar helstu. Ég er sérstaklega ánægður með hvað Bandaríkin eru góð að pródúsera heitar píur sem heita Jennifer. Fyrst voru það Jennifer Aniston og Jennifer Lopez. Jennifer Caprati var flott í tennisnum. Svo kom Jennifer Connelly sterk inn áður en hún byrjaði með Jason Priestley. Svo mætti auðvitað nefna Jennifer Garner, Jennifer Jason Leigh og auðvitað Jennifer Love Hewitt, sem var alveg með þetta á tímabili. En nú er það Jennifer Lawrence með sitt „girl next door“-útlit sem er algjörlega tekin við og heldur manni við efnið.

10. Ef þú mættir taka eina bók, eina plötu og eina bíómynd með þér á eyðieyjuna, hvað yrði fyrir valinu? Alltaf kemur nú þessi spurning. En ætli ég myndi ekki segja fjórði árgangurinn af Eimreiðinni, Í fylgd með fullorðnum með Bjartmari og Persona eftir Bergmann. Það er hæfileg dýpt í henni en „dass“ af erótík líka, svona þar sem maður er fastur á eyðieyju.

11. Hver er fyrsta minningin þín? Standar með öskubökkum á göngunum í Kringlunni þegar hún var nýopnuð. Að minnsta kosti eftirminnilegt. Hvað var fólk að spá?

12.Hvað verðurðu að gera eftir fimm ár? Taka úr vél, setja í vél, útrétta, skafa bílinn, bíða eftir fólki, bíða eftir mat, gera skattaskýrsluna, redda ryksugum. Þetta tekur yfirleitt mesta tímann. Vonandi fær maður einhverjar límónur þess á milli.

13. Ricky Gervais eða Richard Pryor? Báðir góðir. En Pryor var meistari í uppistandi. Algjör frumkvöðull.

14. Hver var æskuhetjan þín? Michael J. Fox. Ég horfði örugglega 55 sinnum á myndina Doc Hollywood. Hún er arfaslök.

15. Horfirðu á EM í handbolta? Alveg límdur. Bara áðan öskraði ég leikleysa í röð sem mér fannst ekki ganga nógu hratt.