Endanleg mynd látin flytjandanum eftir Gunnþóra Gunnarsdóttir skrifar 7. mars 2014 13:00 Páll Ivan frá Eiðum og Borgar Magnason kontrabassaleikari verða með frekar óhefðbundna tónleika í Hafnarborg á sunnudaginn. „Grunnhugmyndin að tónleikunum í heild tengist samskiptum tónskálda og flytjenda. Sum verkanna sem við flytjum eru mjög nákvæmlega skrifuð en önnur eru með miklum spuna.“ Þetta segir Borgar Magnason kontrabassaleikari spurður út í tónleikana Samræða um tákn, sem hann og Páll Ivan, flytjandi og tónskáld, eru með í Hafnarborg í Hafnarfirði á sunnudagskvöld klukkan 20. Þar ætla þeir að skoða notkun tákna í tónlist í sem víðustum skilningi og flytja tónverk þar sem endanleg mynd verksins er látin flytjandanum eftir. „Flytjandinn hefur alltaf frjálsar hendur að einhverju leyti og eins og staðan er í dag er einhvern veginn allt opið. Við Páll Ivan veltum fyrir okkur hvað sé spuni og hversu mikil áhrif tónskáldið vilji hafa á þann spuna,“ lýsir Borgar. En býst hann við að áheyrendur greini auðveldlega hvort spilað sé eftir nótum eða ekki? „Kannski mismikið. Þetta er ekki kennslustund. Það eru fimm verk á tónleikunum og þau eru hvert með sínum hætti hvað þetta varðar. Eitt þeirra er frægt verk um myndmál, annað er strúktúr sem er skýrt skrifað út þó beitt sé óhefðbundinni aðferð við það. Mitt verk er sambland af hefðbundinni nótnaskrift og textaskýringum fyrir flytjendur og grafík. Á endanum eru þetta auðvitað bara tónleikar.“ Síðasta verkið á dagskránni fékk Borgar Harald Jónsson myndlistarmann til að semja. „Mér finnst Haraldur hafa svo sterka tilfinningu fyrir tempói, strúktúr og táknmyndum. Hann er sjálfur í verkinu og hefur fólk með sér svo það verður smá leikrit í því líka. Svo tengist það vel sýningunni sem Haraldur er með á neðri hæðinni í Hafnarborg og að skoða hana eftir að hafa hlýtt á flutning verksins – opnar fyrir eitthvað nýtt.“ Tónleikarnir eru liður í tónleikaröðinni Hljóðön. Almennt miðaverð er 2.500 krónur en 1.500 fyrir eldri borgara og námsmenn. Um flytjendur Borgar Magnason kontrabassaleikari, spunaleikari og tónskáld hefurkomið fram sem einleikari og starfað með listamönnum af ólíkum sviðum. Hann hefur flutt og tekið upp tónlist eftir tónlistarmenn úr ólíkum áttum, samið tónlist fyrir leikhús og dans og unnið fjölmargar útsetningar fyrir dægurlagatónlist. Páll Ivan frá Eiðum á að baki fjölbreyttan feril sem tónskáld og hljóðfæraleikari. Hann leikur á tölvur, raf- og kontrabassa, píanó, gítar og lúðra hvers konar. Tónverk Páls Ivans hafa verið flutt á fjölmörgum tónleikum og tónlistarhátíðum víðsvegar um Evrópu og Bandaríkin. Páll Ivan er einn af stofnendum tónskáldahópsins SLÁTUR. Um Hljóðön Hljóðön er metnaðarfull tónleikaröð í Hafnarborg tileinkuð tónlist frá 20. og 21. öldinni þar sem einstök hugmyndaauðgi og listræn glíma tónskálda leiða áheyrendur inn á áður ókunnar slóðir. Tilgangur hennar er að kynna ólík verk samtímatónskálda í fremstu röð. Nafn tónleikaraðarinnar skírskotar til smæstu merkingargreinandi hljóðeininga tungumála, grunneininga sem púsla má ólíkt saman svo úr verði tilraun til merkingar. Umsjónarmaður hennar er Þráinn Hjálmarsson. Menning Mest lesið Typpi í einu gati, tæki í öðru Lífið Daði Freyr og Árný keyptu einbýli á 86 milljónir Lífið Fleiri Eurovision-farar vilja Ísrael úr keppni Lífið Klækir, prettir og kardínálaklíkur í páfakjöri Gagnrýni Þau allra nettustu á Met Gala Tíska og hönnun Háar hæðir og lágar lægðir Justins Bieber Lífið Björgólfur og Kristín í fimmtugsafmæli Beckham Lífið Eitt merkilegasta verk 21. aldarinnar á Íslandi Menning Ný stikla úr GTA VI Lífið Verzló vann MORFÍs Lífið Fleiri fréttir Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira
„Grunnhugmyndin að tónleikunum í heild tengist samskiptum tónskálda og flytjenda. Sum verkanna sem við flytjum eru mjög nákvæmlega skrifuð en önnur eru með miklum spuna.“ Þetta segir Borgar Magnason kontrabassaleikari spurður út í tónleikana Samræða um tákn, sem hann og Páll Ivan, flytjandi og tónskáld, eru með í Hafnarborg í Hafnarfirði á sunnudagskvöld klukkan 20. Þar ætla þeir að skoða notkun tákna í tónlist í sem víðustum skilningi og flytja tónverk þar sem endanleg mynd verksins er látin flytjandanum eftir. „Flytjandinn hefur alltaf frjálsar hendur að einhverju leyti og eins og staðan er í dag er einhvern veginn allt opið. Við Páll Ivan veltum fyrir okkur hvað sé spuni og hversu mikil áhrif tónskáldið vilji hafa á þann spuna,“ lýsir Borgar. En býst hann við að áheyrendur greini auðveldlega hvort spilað sé eftir nótum eða ekki? „Kannski mismikið. Þetta er ekki kennslustund. Það eru fimm verk á tónleikunum og þau eru hvert með sínum hætti hvað þetta varðar. Eitt þeirra er frægt verk um myndmál, annað er strúktúr sem er skýrt skrifað út þó beitt sé óhefðbundinni aðferð við það. Mitt verk er sambland af hefðbundinni nótnaskrift og textaskýringum fyrir flytjendur og grafík. Á endanum eru þetta auðvitað bara tónleikar.“ Síðasta verkið á dagskránni fékk Borgar Harald Jónsson myndlistarmann til að semja. „Mér finnst Haraldur hafa svo sterka tilfinningu fyrir tempói, strúktúr og táknmyndum. Hann er sjálfur í verkinu og hefur fólk með sér svo það verður smá leikrit í því líka. Svo tengist það vel sýningunni sem Haraldur er með á neðri hæðinni í Hafnarborg og að skoða hana eftir að hafa hlýtt á flutning verksins – opnar fyrir eitthvað nýtt.“ Tónleikarnir eru liður í tónleikaröðinni Hljóðön. Almennt miðaverð er 2.500 krónur en 1.500 fyrir eldri borgara og námsmenn. Um flytjendur Borgar Magnason kontrabassaleikari, spunaleikari og tónskáld hefurkomið fram sem einleikari og starfað með listamönnum af ólíkum sviðum. Hann hefur flutt og tekið upp tónlist eftir tónlistarmenn úr ólíkum áttum, samið tónlist fyrir leikhús og dans og unnið fjölmargar útsetningar fyrir dægurlagatónlist. Páll Ivan frá Eiðum á að baki fjölbreyttan feril sem tónskáld og hljóðfæraleikari. Hann leikur á tölvur, raf- og kontrabassa, píanó, gítar og lúðra hvers konar. Tónverk Páls Ivans hafa verið flutt á fjölmörgum tónleikum og tónlistarhátíðum víðsvegar um Evrópu og Bandaríkin. Páll Ivan er einn af stofnendum tónskáldahópsins SLÁTUR. Um Hljóðön Hljóðön er metnaðarfull tónleikaröð í Hafnarborg tileinkuð tónlist frá 20. og 21. öldinni þar sem einstök hugmyndaauðgi og listræn glíma tónskálda leiða áheyrendur inn á áður ókunnar slóðir. Tilgangur hennar er að kynna ólík verk samtímatónskálda í fremstu röð. Nafn tónleikaraðarinnar skírskotar til smæstu merkingargreinandi hljóðeininga tungumála, grunneininga sem púsla má ólíkt saman svo úr verði tilraun til merkingar. Umsjónarmaður hennar er Þráinn Hjálmarsson.
Menning Mest lesið Typpi í einu gati, tæki í öðru Lífið Daði Freyr og Árný keyptu einbýli á 86 milljónir Lífið Fleiri Eurovision-farar vilja Ísrael úr keppni Lífið Klækir, prettir og kardínálaklíkur í páfakjöri Gagnrýni Þau allra nettustu á Met Gala Tíska og hönnun Háar hæðir og lágar lægðir Justins Bieber Lífið Björgólfur og Kristín í fimmtugsafmæli Beckham Lífið Eitt merkilegasta verk 21. aldarinnar á Íslandi Menning Ný stikla úr GTA VI Lífið Verzló vann MORFÍs Lífið Fleiri fréttir Eitt merkilegasta verk 21. aldarinnar á Íslandi Blautir búkar og pylsupartí Mæðgin á stóra sviðinu í Feneyjum með íslenskan arkitektúr „Heyri allt í einu hversu steikt þetta er orðið“ þegar hún útskýrir veikindin fyrir vinum Íslendingar vekja athygli í menningarlífi Kaupmannahafnar Fimmtíu ára ljósmyndaveisla á sýningu GVA Arngunnur Ýr er bæjarlistamaður Hafnarfjarðar 2025 Lóa Hlín, Rán, Mars og Elías Rúni fá Barnabókaverðlaun Reykjavíkurborgar Hugmyndin kviknaði í New York þegar eldgos hófst heima Egill Heiðar Anton Pálsson tekur við sem leikhússtjóri Elti konuna sína yfir hálfan hnöttinn Fjöldi fólks á opnun fölsuðu verkanna Mario Vargas Llosa fallinn frá Alls 38 milljónum króna úthlutað úr Myndlistarsjóði Sá stórt tækifæri í fjárfestingarhlið listarinnar Klukkur og kaffibollar í partýi á Prikinu „Mikilvægt að gera hluti sem hann yrði stoltur af“ Fordæmd ást kúrekanna á fjallinu Sjá meira