Umfjöllun og viðtöl: Grótta - Stjarnan 25-26 | Dramatískur sigur Stjörnunnar Ingvi Þór Sæmundsson í Strandgötu skrifar 27. desember 2014 00:01 Florentina Stanciu, markvörður Stjörnunnar. vísir/daníel Stjarnan bar sigurorð af Gróttu, 25-26, í fyrri undanúrslitaleik deildarbikars HSÍ í dag. Stjarnan mætir annað hvort Fram eða ÍBV í úrslitaleiknum á morgun. Íris Björk Símonardóttir, markvörður Gróttu, var í aðalhlutverki í fyrri hálfleik. Hún varði fjögur fyrstu skot Stjörnunnar í leiknum og þar með var tóninn gefinn. Alls varði Íris 17 skot í fyrri hálfleik, eða 65% allra þeirra skota sem hún fékk á sig. Íris lagði grunninn að fjögurra marka forskoti Gróttu í leikhléi, 13-9, en munurinn hefði svo auðveldlega getað verið meiri. Gróttustúlkur fóru t.a.m. illa að ráði sínu þegar þær voru einni fleiri í tvígang undir lok fyrri hálfleiks og það vantaði herslumuninn til að slíta sig frá Stjörnustúlkum. Garðbæingar gátu helst þakkað Florentinu Stanciu að munurinn var ekki meiri í leikhléi, en hún fór í gang seinni hluta fyrri hálfleiks eftir rólega byrjun. Landsliðsmarkvörðurinn varði sérstaklega vel þegar Stjarnan var einni færri. Stjarnan byrjaði seinni hálfleikinn vel og skoraði sex af fyrstu átta mörkum hans. Hanna G. Stefánsdóttir jafnaði metin í 15-15 eftir hraðaupphlaup, en þau reyndust Garðbæingum dýrmæt í dag. Helena Rut Örvarsdóttir kom Stjörnustúlkum skömmu síðar yfir í fyrsta sinn, eftir hraðaupphlaup, 16-17. Eftir það skiptust liðin á að hafa forystuna og skoruðu á víxl. Og að vild, en varnir beggja liða voru ekki til staðar á lokakafla leiksins. Það voru Stjörnustúlkur sem reyndust sterkari á svellinu undir lokin en þær skoruðu tvö síðustu mörk leiksins og unnu eins marks sigur, 25-26. Helena reyndist hetja Stjörnustúlkna en hún skoraði sigurmarkið nokkrum sekúndum fyrir leikslok. Helena skoraði sex mörk, en Sólveig Lára Kjærnested var markahæst í liði Stjörnunnar með sjö mörk. Florentina var frábær í markinu með 22 skot varin. Laufey Ásta Guðmundsdóttir var atkvæðamest í liði Gróttu með 10 mörk. Íris varði sem áður sagði frábærlega í marki Seltirninga, alls 27 skot.Esther: Þessi var virkilega sætur Esther Viktoría Ragnarsdóttir, leikstjórnandi Stjörnunnar, var að vonum kát eftir eins marks sigur, 25-26, á Gróttu í undanúrslitum deildarbikars HSÍ og Flugfélags Íslands. "Þessi var virkilega sætur, þar sem þetta var mjög kaflaskiptur leikur. "Forystan flakkaði svolítið milli liðanna, en við komum mjög sterkar til leiks í seinni hálfleik og keyrðum eiginlega yfir þær. Mér fannst við eiga meira inni," sagði Esther og bætti við: "Flora var alveg frábær í seinni hálfleik og hún gaf okkur mikinn kraft sem við þurftum á að halda. "Hún varði skot á mikilvægum augnablikum og á stóran þátt í þessum sigri," sagði Esther en Stjörnustúlkur mæta annað hvort Fram eða ÍBV í úrslitaleiknum sem hefst klukkan 13:00 á morgun. "Nú er það bara að hvíla sig og borða vel og vonandi mætum við enn sprækari til leiks á morgun," sagði Esther að lokum.Kári: Markvarslan hjá Írisi var á heimsmælikvarða Kára Garðarssyni, þjálfara Gróttu, þótti súrt í broti að tapa fyrir Stjörnunni í deildarbikar HSÍ í dag, en Seltjarnesliðið var yfir lengst af í leiknum. "Þetta var hundfúlt og sérstaklega hvernig þetta þróaðist á lokamínútunum. Við leiddum leikinn og vorum klaufar að klára þetta ekki. Þetta féll ekki okkar megin. "Við hefðum mátt róa okkur aðeins undir lokin þar sem við gerðum full mikið af mistökum," sagði Kári og bætti við: "Var fannst við eiga sigurinn skilið. Við vorum örugglega yfir í 50-55 mínútur og getum sjálfum okkur um kennt að hafa ekki unnið," sagði Kári en hvað getur hann tekið jákvætt út úr þessum leik? "Það er heilmargt. Vörnin var þokkaleg og markvarslan hjá Írisi var á heimsmælikvarða. "Við erum svolítið stirðar sóknarlega og erum að spila á fáum leikmönnum. Við erum með leikmenn í meiðslum sem eiga eftir að koma til baka. "Svo má ekki gleyma því að við erum að koma úr mánaðarfríi og þess vegna má búast við að þetta sé svolítið ryðgað," sagði Kári að endingu. Íslenski handboltinn Mest lesið Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Fengið nóg af því að vera ruslakista fyrir viðbjóð frá fólki Körfubolti Remy Martin ekki meira með í þessari úrslitakeppni Körfubolti „Vestri hefur verið að taka leikhlé“ Íslenski boltinn Róbert fer frá Drammen og vill spila nærri Andreu Handbolti Bellingham reyndi að taka Kane á taugum fyrir vítið Fótbolti Lewandowski gæti verið seldur á brunaútsölu Barcelona Fótbolti LeBron gæti fengið sig lausan frá Lakers og verið án félags í sumar Körfubolti Fleiri fréttir Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Sjá meira
Stjarnan bar sigurorð af Gróttu, 25-26, í fyrri undanúrslitaleik deildarbikars HSÍ í dag. Stjarnan mætir annað hvort Fram eða ÍBV í úrslitaleiknum á morgun. Íris Björk Símonardóttir, markvörður Gróttu, var í aðalhlutverki í fyrri hálfleik. Hún varði fjögur fyrstu skot Stjörnunnar í leiknum og þar með var tóninn gefinn. Alls varði Íris 17 skot í fyrri hálfleik, eða 65% allra þeirra skota sem hún fékk á sig. Íris lagði grunninn að fjögurra marka forskoti Gróttu í leikhléi, 13-9, en munurinn hefði svo auðveldlega getað verið meiri. Gróttustúlkur fóru t.a.m. illa að ráði sínu þegar þær voru einni fleiri í tvígang undir lok fyrri hálfleiks og það vantaði herslumuninn til að slíta sig frá Stjörnustúlkum. Garðbæingar gátu helst þakkað Florentinu Stanciu að munurinn var ekki meiri í leikhléi, en hún fór í gang seinni hluta fyrri hálfleiks eftir rólega byrjun. Landsliðsmarkvörðurinn varði sérstaklega vel þegar Stjarnan var einni færri. Stjarnan byrjaði seinni hálfleikinn vel og skoraði sex af fyrstu átta mörkum hans. Hanna G. Stefánsdóttir jafnaði metin í 15-15 eftir hraðaupphlaup, en þau reyndust Garðbæingum dýrmæt í dag. Helena Rut Örvarsdóttir kom Stjörnustúlkum skömmu síðar yfir í fyrsta sinn, eftir hraðaupphlaup, 16-17. Eftir það skiptust liðin á að hafa forystuna og skoruðu á víxl. Og að vild, en varnir beggja liða voru ekki til staðar á lokakafla leiksins. Það voru Stjörnustúlkur sem reyndust sterkari á svellinu undir lokin en þær skoruðu tvö síðustu mörk leiksins og unnu eins marks sigur, 25-26. Helena reyndist hetja Stjörnustúlkna en hún skoraði sigurmarkið nokkrum sekúndum fyrir leikslok. Helena skoraði sex mörk, en Sólveig Lára Kjærnested var markahæst í liði Stjörnunnar með sjö mörk. Florentina var frábær í markinu með 22 skot varin. Laufey Ásta Guðmundsdóttir var atkvæðamest í liði Gróttu með 10 mörk. Íris varði sem áður sagði frábærlega í marki Seltirninga, alls 27 skot.Esther: Þessi var virkilega sætur Esther Viktoría Ragnarsdóttir, leikstjórnandi Stjörnunnar, var að vonum kát eftir eins marks sigur, 25-26, á Gróttu í undanúrslitum deildarbikars HSÍ og Flugfélags Íslands. "Þessi var virkilega sætur, þar sem þetta var mjög kaflaskiptur leikur. "Forystan flakkaði svolítið milli liðanna, en við komum mjög sterkar til leiks í seinni hálfleik og keyrðum eiginlega yfir þær. Mér fannst við eiga meira inni," sagði Esther og bætti við: "Flora var alveg frábær í seinni hálfleik og hún gaf okkur mikinn kraft sem við þurftum á að halda. "Hún varði skot á mikilvægum augnablikum og á stóran þátt í þessum sigri," sagði Esther en Stjörnustúlkur mæta annað hvort Fram eða ÍBV í úrslitaleiknum sem hefst klukkan 13:00 á morgun. "Nú er það bara að hvíla sig og borða vel og vonandi mætum við enn sprækari til leiks á morgun," sagði Esther að lokum.Kári: Markvarslan hjá Írisi var á heimsmælikvarða Kára Garðarssyni, þjálfara Gróttu, þótti súrt í broti að tapa fyrir Stjörnunni í deildarbikar HSÍ í dag, en Seltjarnesliðið var yfir lengst af í leiknum. "Þetta var hundfúlt og sérstaklega hvernig þetta þróaðist á lokamínútunum. Við leiddum leikinn og vorum klaufar að klára þetta ekki. Þetta féll ekki okkar megin. "Við hefðum mátt róa okkur aðeins undir lokin þar sem við gerðum full mikið af mistökum," sagði Kári og bætti við: "Var fannst við eiga sigurinn skilið. Við vorum örugglega yfir í 50-55 mínútur og getum sjálfum okkur um kennt að hafa ekki unnið," sagði Kári en hvað getur hann tekið jákvætt út úr þessum leik? "Það er heilmargt. Vörnin var þokkaleg og markvarslan hjá Írisi var á heimsmælikvarða. "Við erum svolítið stirðar sóknarlega og erum að spila á fáum leikmönnum. Við erum með leikmenn í meiðslum sem eiga eftir að koma til baka. "Svo má ekki gleyma því að við erum að koma úr mánaðarfríi og þess vegna má búast við að þetta sé svolítið ryðgað," sagði Kári að endingu.
Íslenski handboltinn Mest lesið Guðni stal senunni í Smáranum: „Sástu forsetann þarna?“ Körfubolti Heillaóskum rigndi yfir fimmtán ára hetju Fram í skólanum Íslenski boltinn „Ansi erfitt fyrir Grindvíkinga að hann hagi sér svona og fái mögulega leikbann“ Körfubolti Fengið nóg af því að vera ruslakista fyrir viðbjóð frá fólki Körfubolti Remy Martin ekki meira með í þessari úrslitakeppni Körfubolti „Vestri hefur verið að taka leikhlé“ Íslenski boltinn Róbert fer frá Drammen og vill spila nærri Andreu Handbolti Bellingham reyndi að taka Kane á taugum fyrir vítið Fótbolti Lewandowski gæti verið seldur á brunaútsölu Barcelona Fótbolti LeBron gæti fengið sig lausan frá Lakers og verið án félags í sumar Körfubolti Fleiri fréttir Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Sjá meira