Trúarbrögð og fáfræði

Hvers vegna trúir fólk á æðri máttarvöld?

Fáfræði, það er mannlegt eðli að vilja skilja hluti, og þegar ekki er til greinagóð skýring á hlutunum þá er nærtækast að skýra það með æðri máttarvöldum, því jú maðurinn er fullkominn og ef hann getur ekki útskýrt eitthvað þá hlítur það auðvitað að þíða að eitthvað æðra honum hafi skapað það?

Af hverju er það svo langsótt fyrir suma trúaða að skilja að það er hægt að vera góð manneskja þrátt fyrir að fylgja ekki einhverjum 10 reglum sem meytlaðar eru í stein?

Siðferði er eitthvað sem er okkur í blóð borin, flest allar manneskjur alast upp við að þekkja muninn á réttu og röngu, og helsta ástæða þess að fólk fer út fyrir það sem telst siðferðislega rétt er oftast vegna lélegs uppeldis eða trúarofstækis.

Hvers vegna eru sum trúarbrögð réttari en önnur?

Þau eru það ekki, flest öll trúarbrögð heimsins í dag eru byggð á mun eldri trúarbrögðum sem nútíma trúarbrögð hafa tileinnkað, eignað eða afbakað sér í hag, t.d þá eru elstu trúarbrögð talin vera sirka 100-200 þúsund ára gömul (kristintrú er t.d bara rúmlega 2000 ára gömul). Og því eru engin nútíma trúarbrögð réttari en önnur, því væntanlega væru eldri trúarbrögðin réttari, því þau komu á undan, en það má kannski halda því fram að hinn almáttugi Guð hafi ekki náð að koma skilaboðunum alveg rétt frá sér þessi fyrstu 98-198 þúsund ár og að það hafi tekið ansi margar tilraunir til að koma skilaboðunum til skila. Með þeim rökum þá myndi hann varla teljast sem almáttugur.     

Af hverju er múslimatrú svona miklu verri en kristintrú?

Hún er það í raun ekki, saga kristintrúar er ekkert síður subbulegri en saga múslimatrúar, báðar trúr hafa að baki sér öfgatrúarfólk sem hafa notfært sér trúnna til að réttlæta ofbeldi og kúgun sér í hag. Kristintrú er hinsvegar ríkjandi í vestrænum samfélögum þar sem morð, limlestingar og annar eins viðbjóður telst ekki réttlætanlegur.

Það má kannski segja að öfga muslimar séu staddir á svipuðum slóðum og öfga kristnir voru fyrir nokkur hundruð árum (því þeir komast upp með það ólíkt öfga kristnum). En eins og að það var ekki hinum almenna kristna borgara að kenna hversu mikil mannvonska og viðbjóður viðgengst á sínum tíma undir formerkjum trúarinnar, þá er ekki hægt að klína aðgerðum öfga muslima á alla hina venjulegu borgarana sem túlka sína trúarbók ekki jafn bókstaflega og ekki jafn öfgafullt og hinir fáu sem gera það.

Af hverju getur fólk ekki bara búið í sátt og samlyndi og notið sinnar trúar með sjálfum sér án þess að skipta sér að því hversu röng túlkun næsta manns á almættinu er.

Það er jú ákveðin samtenging við flestöll trúarbrögð, sama undirstaða, bara önnur framsetning.