Tveir án félags í landsliðshópi Lettlands sem mætir Íslandi

Marian Pahars, landsliðsþjálfari Lettlands í knattspyrnu, er búinn að velja 22 manna hóp sem mætir Íslandi og Tyrklandi í undankeppni EM 2016 í næsta mánuði.

Pahars ættu margir að kannast við, en hann spilaði með Southampton í ensku úrvalseildinni og B-deildinni frá 1999-2006. Uppgangur hans sem þjálfari í heimalandi hefur verið fljótur, en hann tók við Skonto Riga árið 2011.

Pahars stýrði því í tvö ár áður en hann gerðist þjálfari U21 árs liðs Lettlands í fyrra og nokkrum mánuðum síðar var hann orðinn þjálfari A-landsliðsins. Hann er 38 ára gamall.

Það eru ekki mörg þekkt nöfn í lettneska hópnum og eru tveir án félags. Það eru Kaspars Gorkss, sem síðast lék með Reading og Úlfunum á Englandi, og miðjumaðurinn Alexander Fertovs.

Lettar byrjuðu undankeppni á jafntefli gegn Kasakstan, en Ísland vann sannfærandi sigur á Tyrkjum, 3-0. Leikur Íslands og Lettlands fer fram ytra 10. október og þremur dögum síðar mæta strákarnir okkar Hollendingum á Laugardalsvellinum.

Hópurinn (leikir/mörk):

Markverðir:

Aleksandrs Kolinko, FK Baltika, Rússlandi (90/0)

Pavels Steinbors, KS Górnik Zabrze, Póllandi (0/0)

 

Varnarmenn:

Kaspars Gorkss, Án félags (63/5)

Vitaljis Maksimenko, VVV Venlo, Hollandi (12/0)

Vitaljis Jagodinskis, FK Uzhhorod, Úkraína (1/0)

Oleg Timofejevs, FK Ventspils (3/0)

Kaspars Dubra, FK Ventspils (2/0)

Gints Freimanis, FK Jelgava (1/0)

Nauris Bulvitis, FC Aarau, Sviss (18/2)

Vladislav Gabovs, FC Skonto (11/0)

 

Miðjumenn:

Janis Ikaunieks, FK Liepaja (0/0)

Arturs Zjuninz, FK Baltika – Rússlandi (17/2)

Aleksandrs Cauna, PFK CSKA, Rússlandi (40/11)

Aleksandrs Fertovs, Án félags (29/0)

Aleksejs Visnakovs, FC Zimbru Chisinau, Moldavíu (53/7)

Ritvars Ruginis, FC Skonto (23/0)

Jurijs Zigajevs, FC Ventspils (33/2)

Andrejs Kovaļovs, Dacia Kishenevm, Moldavíu  (9/0)

 

Framherjar:

Artjoms Rudnevs, Hamburger SV, Þýskalandi (29/1)

Denniss Rakels, MKS Cracovia Krakow, Póllandi (5/0)

Eduards Visnakovs, Ruch, Póllandi (6/0)

Valerijs Sabala, Anorthosis Famagusta, Kýpur (12/5)