Innlent

Veðurstofan og pollrólegar geitur bjóða góða nótt

Kjartan Atli Kjartansson skrifar
Hér má sjá hinar pollrólegu geitur í Öxarfirði.
Hér má sjá hinar pollrólegu geitur í Öxarfirði. Mynd/Veðurstofa Íslands
Starfsfólk Veðurstofu Íslands segir landsmönnum að sofa rólega í kvöld. Á Facebook-síðu veðurstofunnar segir:

„Með kveðju frá okkur og þessum pollrólegu geitum í Öxarfirði vonum við að þið farið varlega og allir sofi vel í nótt. Við erum á vaktinni.“

Með þessari kveðju fylgir mynd af þessum pollrólegu geitum, sem minnst er á í kveðjunni.

Fyrr í kvöld fór fram fundur sérfræðinga á veðurstofunni vegna jarðhræringa undir Dyngjujökli. Enn er ekki búið að staðfesta að eldgos sé hafið undir jöklinum. Rétt rúmlega tvö í dag gaf Samhæfingarmiðstöð Almannavarna út yfirlýsingu um að gos væri hafið. En á heimasíðu Veðurstofu Íslands segir:

„Í augnablikinu eru engar vísbendingar um að eldgos sé í gangi undir Dyngjujökli. Litakóði fyrir flug verður áfram rauður þar sem ekki er hægt að útiloka að eldgos sé yfirvofandi.“

Post by Veðurstofa Íslands.

Tengdar fréttir

Alþjóðleg flugfélög sneiða framhjá flugbannsvæðinu

Friðþór Eydal, talsmaður Isavia, segir að þar sé vel fylgst vel með gangi máli. „Við erum með sérstaka eldgosavakt í gangi. Við höfum samráð við fræðimenn og aðila sem fræða okkur um stöðu mála.

Ómar fylgist með jöklinum

„Ég er búinn að vera hérna að horfa á jökulinn síðan í hádeginu,“ segir Ómar Ragnarsson.

Stórt svæði lokað

Stórt svæði yfir suðaustanverðu landinu er lokað fyrir flugumferð, samkvæmt upplýsingum frá Veðurstofu og Samhæfingamiðstöðinni. Ákvörðun um þessa lokun er endurmetin á tveggja klukkutíma fresti.

Vegir verða rofnir komi til flóðs

Vegir við brýrnar yfir Jökulsá á Fjöllum verða rofnir komi til flóðs. Tæki eru til staðar í Öxarfirði og tæki eru á leiðinni að brúnni við Grímsstaði.

Skjálftavirkni aukist gríðarlega

Á þrívíddarkorti sem Bæring Gunnar Steinþórsson gerði má sjá fjölda skjálfta og hversu djúpt þeir liggja. Stærsti skjálftinn er 4,5 og var á 12 kílómetra dýpi. Á kortinu má sjá einnig sjá yfirlitstöflu yfir skjálftana.

Engin ummerki um gos úr lofti

Vísindamenn um borð í flugvél Landhelgisgæslunnar, TF-Sif, sem flaug yfir Dyngjujökul í dag, sáu engin ummerki um að eldgos sé hafið undir jöklinum

Undirbúa opnun fjöldahjálparstöðva

Undirbúningar er hafinn að því að opna fjöldahjálparstöðvar á Húsavík, Kópaskeri og í grunnskólanum í Reykjahlíð á Mývatni komi til þess að byggðirnar í Kelduhverfi, Núpasveit og Öxarfirði verði rýmdar.

Aukin skjálftavirkni við Bárðarbungu

Skjálftavirkni við Bárðarbungu hefur verið að aukast í morgun og hefur aukinn órói komið fram á mælum Veðurstofu Íslands undanfarna klukkustund eða svo. Ekki sjást merki um að kvika sé á leið til yfirborðs. Skjálftarnir eru flestir á 5-10 km dýpi.

Sigmundur Davíð kallaður út í Skógarhlíð

Sigmundur Davíð Gunnlaugsson, Bjarni Benediktsson, Hanna Birna Kristjánsdóttir og Haraldur Jóhannesson funda nú í Samhæfingarmiðstöðinni í Skógarhlíð ásamt fleirum vegna gossins í Dyngjujökli.

Mest lesið


Fleiri fréttir

Sjá meira


×

Mest lesið