FH-ingar náðu tveggja stiga forskoti á toppnum

FH-ingar nýttu sér töpuð stig Stjörnumanna í gær og náðu tveggja stiga forskoti á toppi Pepsi-deildar karla eftir 3-2 sigur á Víkingum í Víkinni í kvöld en þá lauk 17. umferð deildarinnar með þremur leikjum.

Ólafur Páll Snorrason lagði upp öll þrjú mörk FH-liðsins sem lenti undir á móti Víkingum en svaraði með þremur mörkum. Ingimundur Níels Óskarsson, varmaðurinn Atli Viðar Björnsson og sjálfsmark Igor Taskovic komu FH í 3-1 áður en Víkingar löguðu stöðuna undir lokin.

Bikarmeistarar KR-inga eru ekki búnir að syngja sitt síðasta í toppbaráttunni eftir 2-1 sigur á Fram. Stefán Logi Magnússon varði víti í fyrri hálfleik og þeir Baldur Sigurðsson og Kjartan Henry Finnbogason komu KR í 2-0 áður en Fram minnkaði muninn.

Fjölnir og Keflavík gerðu 1-1 jafntefli í gríðarlega mikilvægum slag í neðri hlutanum en Keflvíkingar bíða enn eftir sigri og eru því ekkert sloppnir við fallbaráttuna.

Hér fyrir neðan má sjá umfjöllun og viðtöl úr leikjum kvöldsins.