Kjartan Henry: Spyrjið Atla hvort þetta hafi verið viljandi

Í Pepsi-mörkum kvöldsins var sýnt atvik úr leik Þórs og KR þar sem KR-ingurinn Kjartan Henry Finnbogason stígur á Þórsarann Atla Jens Albertsson.

Ekki fyrsta umdeilda atvikið sem Kjartan Henry lendir í. Sitt sýndist hverjum um hvort þetta var viljandi eður ei hjá Kjartani.

Kjartan er ekkert sérstaklega virkur á Twitter en hann kvað sér hljóðs í kvöld á samskiptamiðlinum um atvikið.

"Endilega spyrjið Atla Jens hvort að ég hafi stigið viljandi á hann og hvort að hann hafi þurft að fara af velli vegna þess," skrifaði Kjartan Henry á Twitter.

Endilega spyrjið Atla Jens hvort að ég hafi stigið viljandi á hann og hvort að hann hafi þurft að fara af velli vegna þess.

— Kjartan Henry (@kjahfin) July 14, 2014