Navas: Stangirnar hjálpuðu okkur

Keylor Navas, markvörður Kosta Ríka, var ánægður með markstangirnar í leiknum gegn Hollandi í gær, en Kosta Ríka tapaði í vítaspyrnukeppni.

„Við töpuðum í vítaspyrnukeppni og förum heim sárir, en stoltir. Þetta er erfitt, en þetta er lífið," sagði Navas í leikslok.

„Við getum ekki kennt eitthverjum um því að vera þarna á þessum tíma er ekki létt. Hollendingar gerðu sitt, en ekki við."

Navas fór á kostum í leiknum og var eftir leikinn valinn maður leiksins. Það er í þriðja skipti á þessu móti sem Navas er valinn maður leiksins í leikum Kosta Ríka.

„Maður reynir að hjálpa til og sinna góðu verki."

„Ég reyni auðvitað alltaf að vera fyrir boltanum og stangirnar hjálpuðu okkur. Til allra lukku, skoruðu Hollendingar ekki í opnum leik," sagði þessi markmaður Levante.