Maradona stendur við bakið á Suárez

Einn besti fótboltamaður sögunnar, Argentínumaðurinn Diego Maradona, stendur þétt við bakið á Luis Suárez.

Hinn litríki Maradona mætti í sjónvarpsviðtal í bol þar sem á stóð að fólk stæði með Suárez. Tók hann undir með mörgum Suður-Ameríkumönnum sem segja að FIFA sé í krossferð gegn Suárez.

„Hvaða vesen er þetta, var einhver drepinn,“ á Maradona að hafa sagt við fjölmiðlamenn í Brasilíu.

„Ætlum við nokkuð að senda Suárez til Guantanamo?,“ sagði Maradona sem líkt og Suárez vakti oft athygli fyrir annað en hæfileika sína.