Innlent

Munu leggja til að lóðaúthlutun til mosku verði dregin til baka

Ingvar Haraldsson skrifar
Guðfinna er í skýjunum með kosninguna.
Guðfinna er í skýjunum með kosninguna. Vísir/Daníel

Guðfinna Jóhanna Guðmundsdóttir, önnur kona á lista Framsóknarflokksins og flugvallavina, segir að borgarstjórnaflokkur Framsóknarflokksins muni leggja til að lóðaúthlutun til byggingar Félags múslima á Íslandi verði dregið til baka komist flokkurinn í borgarstjórn.

Guðfinna segir einnig að Framsóknarflokkurinn mun berjast fyrir því að flugvöllurinn verði áfram í óbreyttri mynd. „Við viljum að neyðarbrautin og fluggarðar verði áfram á Reykjavíkurflugvelli.“

Guðfinna segist vera í skýjunum með nýjustu tölur.

„Það er ekki nema mánuður síðan við samþykktum listann og flestar okkar fengu ekki nema þriggja klukkustunda fyrirvara til að ákveða hvort þær færu í framboð.“

„Mikið er ég glöð yfir því “ sagði Guðfinna þegar blaðamaður tilkynnti henni að meirihlutinn væri fallinn í Reykjavík ef marka má nýjustu tölur.

Guðfinna segir að fólk vilji fá meira um málin að segja í Reykjavík. Íbúar vilji meira samráð við íbúa og aðalskipulagið hafi ekki staðist þær kröfur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.