Bjó til „burrito“ úr fylgju konu sinnar

Englendingurinn Nick Banes bjó til mexíkóska vefju og þeyting úr fylgju konunnar sinnar. Hann bað um fylgjuna eftir að kona hans fæddi barn þeirra fyrir stuttu og bjó til þessa fæðu. Síðan bloggaði hann um það.

Hann eldaði fylgjuna áður en hann setti hana í vefjuna. Hann sagði fylgjuna, eftir að hún var elduð, bragðst eins og súrsaða lambabringu.

Hann ákvað að elda fylgjuna ekki þegar hann gerði þeytinginn, sem á ensku er þekkt sem „smoothie“. Hann sagði þeytinginn „vera nákvæmlega eins á bragðið og lyktin var á fæðingastofunni“, þegar kona hans fæddi barnið.

Deilt er um hvort að fylgjan sé holl fæða. Færst hefur í aukana að fólk borði fylgjur.

Fyrir tveimur árum fjallaði New York Times um málið og birti pistil eftir móður sem dauðsá eftir að hafa borðað fylgjuna sína í pilluformi. „Ég er brjáluð út í sjálfa mig, að hafa borðað fylgjuna og trúað einhverjum sögum án þess að fá neinar sannanir fyrir þeim,“ var meðal þess sem móðirin skrifaði.