Frumsýningu Everest seinkað um sjö mánuði

Frumsýningu myndarinnar Everst í leikstjórn Baltasar Kormáks hefur verið frestað um sjö mánuði. Til stóð að frumsýna myndina 27. febrúar á næsta ári en nú hefur sú frumsýningadagur dregist til 18. september. 

Á meðal leikara í myndinni má nefna þá Josh Brolin og Jake Gyllenhaal og leikkonuna Emily Watson.

Það er blaðið Hollywood Reporter sem greinir frá þessu en ástæða seinkunarinnar er ekki gefin upp. Þó er bent á að tvær stórmyndir, með Will Smith og Ryan Reynolds verða einnig frumsýndar þann 27 febrúar, þannig að samkeppnin á þeirri helgi hefði orðið hörð.