Jón Gnarr reyndi að fyrirfara sér í tvígang

Jón Gnarr borgarstjóri reyndi í tvígang að svipta sig lífi þegar hann var unglingur. Þessu greinir hann frá á Facebook-síðu sinni og hefur stöðuuppfærslan vakið mikla athygli.

„Þegar ég var ungur hélt samfélagið að það væri eitthvað að mér,“ skrifar Jón og bætir því við að sumir hafi talið að hann ætti við þroskahömlun að stríða.

Hann segir að hann hafi orðið fyrir einelti og fannst honum eins og á honum hvíldi einhvers konar bölvun.

„Einu sinni skar ég mig í hendina og reyndi að láta mér blæða út. Það mistókst þar sem kona bjargaði mér og fór með mig á slysadeild,“ segir Jón. Í seinna skiptið notaði hann Rohypnol.

Jón segist vera með sjaldgæft mígreni og að síðast þegar hann hafi lagst inn á spítala vegna þess hafi kvisast út sú saga að hann væri á geðveikrahæli. Hann segist þó vera nokkuð heilbrigður en bætir því við að það sé ekkert athugavert við það að vera með geðsjúkdóm.

„Það er ekki eitthvað sem þú velur. Sama má segja um samkynhneigð. Svona virkar heilinn bara. Það er ekkert að því að vera samkynhneigður. Það er bara náttúrulegt.“

Skrif Jóns má lesa í heild sinni hér fyrir neðan.

Post by Jón Gnarr.