Halldór leiðir Pírata í Reykjavík

„Ég er mjög ánægður með þetta,“ segir Halldór Auðar Svansson um niðurstöður prófkjörsins. „Þarna er margt fólk á lista sem ég hef unnið með og þekki vel. Ég hef fulla trú á því að við munum halda áfram að vinna vel saman, “

Halldór hlaut flest atkvæði en Þórgnýr Thoroddsen næstflest, Ásta Helgadóttir var í þriðja sæti og Þórlaug Ágústsdóttir í því fjórða.

Af þeim 118 félögum sem skráðir eru í félagið þá tóku 89 þátt í prófkjörinu. Aðspurður hvernig Halldóri fannst þátttakan þá segir hann hún hafa verið minni en búist var við. 

„En við verðum samt að hafa í huga að til þess að taka þátt þurfti að skrá sig í aðildarfélagið Píratar í Reykjavík sem er frekar nýstofnað, þegar prófkjörinu lauk voru komnir 118 í félagið þannig að hlutfallslega er þetta mjög góð þátttaka.“



Heildarniðurstöður úr prófkjörinu er hægt að sjá á heimasíðu Pírata.