„Þegar íslenskar konur og stelpur fá sér að drekka þá missa þær allan klassa“

„Þegar íslenskar konur og stelpur fá sér að drekka þá missa þær allan klassa. Það er það fyrsta sem fer,“ segir Páll Óskar Hjálmtýsson í viðtali hjá Síðdegisútvarpinu.

Tónlistarmaðurinn virðist hafa sterkar skoðanir á ölvun og fólki undir áhrifum áfengis

„Það eru margir aðrir staðir sem að ég kýs að vera á eftir miðnætti á föstudögum og laugardögum heldur en Laugavegurinn,“ segir Páll.

„Það skiptir ekki máli hvort að það sé karl, kona, gay, straight, bi eða trans. Það er genetískt í Íslendingum að þeir breytast í einhverja púka. Íslenskar konur og íslenskar stelpur eru þar ekki undanskildar,“

„Mér finnst það mjög eðlilegt að vera hræddur við sauðdrukknar, stórhættulegar manneskjur sem eru fullkomlega stjórnlausar í hegðan og atgervi,“ segir Páll.

Páll hafði frá miklu að segja og ræddi einnig um fordóma og úr hvaða átt þeir virðast koma í samfélaginu.

„Til dæmis í kreppum eða stríðsástandi, þá rísa upp ákveðnir hópar sem þrengt er að. Óupplýst, fáfrótt, fátækt fólk sem er kannski búið að missa alla undirstöðuna í lífinu. Auðvitað reynir það að finna einhvern blóraböggul, og oftar en ekki finnur það einhverja minnihlutahópa eða fólk sem tilheyrir öðrum hópum en það sjálft. Finnur þessum hópi allt til foráttu og fer svo að benda á þetta fólk og kenna því um,“ segir Páll.

„Þetta hefur margoft gerst í mannkynssögunni.“