Meirihlutinn fallinn samkvæmt nýrri könnun

Meirihluti Bjartrar framtíðar og Samfylkingarinnar í borgarstjórn Reykjavíkur er fallinn, samkvæmt nýrri könnun Félagsvísindastofnunar Háskóla Íslands fyrir Morgunblaðið.

Flokkarnir fengju samtals sjö fulltrúa, en hafa níu núna. Sjálfstæðisflokkukrinn bætir við sig fylgi frá síðustu könnun og fengi 28,4 prósent atkvæða og fimm borgarfulltrúa. Píratar eru einnig sókn, fengju tæp 12 prósent og tvo fulltrúa.

Björt framtíð, einskonar arftaki Besta flokksins tapar fylgi og mælist nú með 21 prósent og fengi þrjá fulltrúa en hinn meirihlutaflokkurinn bætir við sig fylgi og mælist með fjóra borgarfulltrúa.

Fylgi við Vinstri græna mælist álíka og síðast, eða um níu prósent, sem gæfi þeim einn fulltrúa og Farmsóknarflokkurinn mælist með tæp þrjú prósent og engan fulltrúa.