Tæplega fimm milljónir til Hringsins í kjölfar bjórþambs

„Í morgun voru komnar 4,9 milljónir inn á reikning Hringsins og er sífellt að aukast. Þetta veldur bara undrun og gleði,“ segir Valgerður Einarsdóttir, formaður Hringsins.

Áskoranir hafa gengið manna á milli undanfarið sem virka þannig að fólk þambar hálfan lítra af bjór, setur það á veraldarvefinn og skorar svo á næsta aðila. Margir þeir sem ekki vildu taka þátt í þambinu hafa brugðið á það ráð að styrkja Barnaspítala Hringsins þess í stað. Í kjölfarið hefur þessu upphæð farið stigvaxandi, Hringskonum til mikillar gleði.

Upphæðin verður líklega nýtt til tækjakaupa en þó er það óráðið.

„Við ætlum bara að sjá til. Ætlum að setjast niður á næstu dögum og ræða þetta.“

Þeim sem hafa áhuga á að styrkja Barnaspítalann er bent áreikningsnúmer þeirra:

0101-26-054506

Kt: 640169-4949