Stór hluti aðildarfélaga ASÍ hefur fellt kjarasamninga

Sautján aðildarfélög Alþýðusambands Íslands hafa fellt kjarasamninga sambandsins við Samtök atvinnulífsins.

Félögin innan Flóabandalagsins skila niðurstöðum klukkan fjögur í dag.

Drífandi í Vestmannaeyjum, Framsýn á Húsavík og Félag vélstjóra og málmtæknimanna hafa eins og fram hefur komið öll fellt samningana.

Önnur félög sem felldu samninginn eru Rafiðnaðarsambandið, Verslunarmannaféla Suðurnesja og félag leiðsögumanna, Verslunarmenn innan AFLS Starfgreinafélags, Aldan, Báran, Verkafólk innan Stéttarfélagsins Samstöðu, verkafólk innan Stéttarfélags Akraness, Verkalýðsfélag Akraness, Verkalýðsfélag Grindavíkur, Verkalýðsfélag Snæfellinga, Verslunarmannafélag Suðurnesja og Verkalýðsfélag Þórshafnar.



Ónóg þátttaka í kosningum 

VR samþykkti kjarasamninga eins og fram hefur komið.

Önnur félög sem samþykktu eru Verslunarmannafélag Suðurlands og Verkalýðsfélag Vestfirðinga, Verkamenn og iðnaðarmenn innan AFLS starfsgreinafélags, Félag bókagerðamanna, Félag málmiðnaðarmanna á Akureyri, MATVÍS, verslunarfólk innan Stéttarfélagsins Samstöðu, verslunarmenn og iðnaðarmenn innan Stéttarfélags Akraness, Verkalýðsfélag Suðurlands, Verkalýðs- og sjómannafélag Bolungarvíkur og Verkalýðs- og sjómannafélag Sandgerðis.

Á kjörfundi Verkalýðs- og sjómannafélags Bolungarvíkur greiddu tíu atkvæði. Níu þeirra greiddu á móti en aðeins einn með. Samnignurinn telst þó samþykktur þar sem þátttaka var ekki nægileg en til þess að fella samninginn hefði meirihluti 20 prósenta félagsmanna urft að greiða atkvæði.