Viðskipti innlent

Vörður lætur endurnýta tjónabúnað

Fanney Birna Jónsdóttir skrifar
Frá undirritun samnings Grænnar framtíðar og Varðar.
Frá undirritun samnings Grænnar framtíðar og Varðar. Mynd/Græn framtíð
Vörður tryggingar hf. hefur samið við Græna framtíð um endurnýtingu  smáraftækja sem sem félagið fær til sín í kjölfar tjóna hjá  viðskiptavinum.

 Vörður fær í hendur ýmis tjónatæki frá viðskiptavinum sem í flestum  tilvikum eru ekki hæf til notkunar. Hins vegar er hægt að nýta virka  íhluti úr þeim fyrir framleiðslu á öðrum raftækjum. Þá er hægt að eyða  spilliefnum með löglegum hætti. Meðal þess búnaðar sem verður sendur í  endurnýtingu eru snjallsímar, spjaldtölvur, fartölvur, stafrænar  myndavélar og annar búnaður.



Vörður vill með samstarfinu við Græna framtíð stuðla að bættu umhverfi  með því að endurnýta búnað sem annars hefði verið fargað á óæskilegri  hátt. Um leið vill félagið verða fyrirmyndarfyrirtæki í endurnýtingu á  smáraftækjum vegna tjónamála.



Vörður mun koma öllum gömlum og ónýtum smáraftækjum til  flokkunarmiðstöðvar Grænnar framtíðar, þar sem tækin eru yfirfarin og  öllum gögnum úr þeim eytt. Því næst eru tækin send til vottaðra  endurnýtingarfyrirtækja í Evrópu, sem vinna eftir WEEE reglugerð  Evrópusambandsins um raftækja- og rafeindatækjaúrgang.



„Vörður hefur verið að vinna sig í átt að umhverfisvænum rekstri  undanfarin ár. Endurnýting og endurvinnsla á búnaði sem skilað er inn  til félagsins í kjölfar tjóns er hluti af því að félagið tryggi  umhverfisvæna meðferð á tjónamunum sem til félagsins koma. Með  samningnum við Græna framtíð stuðlum við að því að búnaður sé  endurnýttur með öruggum hætti, bæði hvað varðar gagnaöryggi og  endurvinnslu og jafnframt er tryggt að meðferð spilliefna sé með  lögmætum hætti. Við leggjum okkur fram um að fylgja réttum ferlum þegar  kemur að endurnýtingu og förgun smáraftækja en Evrópusambandið hefur  meðal annarrs gefið út reglugerð um meðferð raftækja- og rafeindaúrgangs  sem við uppfyllum með samningnum við Græna framtíð,“ segir Steinunn Hlíf  Sigurðardóttir, framkvæmdastjóri tjónasviðs Varðar í tilkynningu frá félaginu.



Mest lesið


Fleiri fréttir

Sjá meira


×

Mest lesið