Búið að slökkva eldinn

Búið er að slökkva eldinn sem kom upp á Klapparstíg nú fyrir skömmu.

Að sögn slökkviliðs gekk vel betur en á horfðist í fyrstu að slökkva eldinn. Allt tiltækt lið var kallað til og  viðbúnaður mjög mikill. „Þetta er oft erfitt með þessi gömlu timburhús, maður veit ekkert hvernig það fer með þau. En þetta gekk vel núna,“ sagði starfsmaður slökkviliðsins í samtali við fréttastofu 365.

Bruninn kom upp í herbergi í íbúð á þriðju hæð í húsinu sem fylltist af reyk. Búist er við að eignatjón sé töluvert. Íbúðin var mannlaus og ekki er vitað um upptök eldsins að svo stöddu.