Hitti Brad Pitt og faldi sig undir borði

Ungstirnið Selena Gomez fór alveg á taugum þegar hún hitti goðsagnakennda leikarann Brad Pitt í fyrsta sinn á dögunum.

Söng- og leikkonan, sem er tvítug, hitti hjartaknúsarann, sem er orðinn 49 ára, á MTV kvikmyndaverðlaununum um síðustu helgi og gat varla komið upp orði.

“Ég var í búningsherberginu mínu og var nýbúin að syngja á sviðinu. Þá var bankað á hurðina og mér sagt að Brad Pitt vildi koma inn. Auðvitað leyfði ég það!” segir Selena í viðtali við spéfuglinn Ellen DeGeneres.

Brad vildi mynd af þeim saman þar sem börnin hans eru aðdáendur Selenu.

“Ég var að reyna að vera svöl og vingjarnleg. Um leið og hann gekk út hljóp ég undir borð og faldi mig þar í tvær mínútur því ég trúði því ekki að þetta hefði gerst.”

Dragðu Tarotspil dagsins hér.