Frægur fylgifiskur frægðarinnar

Kanadíska stjarnan Cory Monteith lést á hótelherbergi sínu í Vancouver í Kanada þann 13. júlí síðastliðinn úr of stórum skammti af heróíni og óhóflegri áfengisneyslu.

Hann var aðeins 31 árs gamall.

Monteith var hvað best þekktur fyrir leik sinn í þáttaröðinni Glee þar sem hann lék hinn syngjandi Finn Hudson, eina aðalpersónu þáttanna.

Cory hafði lýst því yfir opinberlega að hann ætti við vandamál að stríða og fór síðast í áfengis- og vímuefnameðferð fyrr á árinu.

Amy Winehouse

Söngkonan hæfileikaríka Amy Winehouse, fannst látin á heimili sínu þann 23 júlí, árið 2011.

Hún var 27 ára gömul þegar hún lést, en hafði þegar náð miklum árangri á ferlinum.

Fyrri plata Winehouse, Frank, var gríðarleg vel tekið af gagnrýnendum. Það var svo önnur plata hennar, Back to Black, sem gerði hana að alþjóðlegri stjörnu, en sú plata hlaut sex Grammy tilnefningar og vann fimm Grammy verðlaun.

Amy Winehouse hafði háð opinbera baráttu við fíkniefni og áfengi um tíma.

Winehouse dó úr ofneyslu áfengis.

Lagið sem skaut Amy Winehouse á toppinn ber heitið Rehab, og fjallar um að margir hefðu reynt að fá hana til að fara í meðferð við fíkn sinni.

Brian Epstein

Brian Epstein er sennilega frægasti umboðsmaður allra tíma, en hans frægustu skjólstæðingar voru án efa Bítlarnir.

Epstein uppgötvaði Bítlana þegar hann vann í plötu- og húsgagnabúð foreldra sinna, og heyrði í þeim á hádegistónleikum á Cavern Club. Hann var þá ungur að árum.

Epstein tókst að gera stórstjörnur úr Bítlunum, og Paul McCartney sagði um Epstein and hann væri fimmti Bítillinn.

Sjálfur háði Epstein harða baráttu við fíknisjúkdóm og gekk langt til að fela samkynhneigð sína, sem enn var bönnuð í Englandi á þessum árum og þangað til að hann dó.

Sagt er að Bítlalagið You got to hide your love away, hafi verið samið um Epstein.

Brian Epstein lést árið 1967, þá aðeins 32 ára að aldri, á heimili sínu í Lundúnum úr ofneyslu eiturlyfja.

Hann hafði um árabil, auk róandi lyfja, neytt örvandi efna og áfengis í óhófi.

Whitney Houston

Whitney Houston var söngkona, lagasmiður og leikkona.

Houston var ein dáðasta söngkona heims og hlaut fjölda verðlauna fyrir söng sinn. Fyrsta hlutverk hennar var í kvikmyndinni Bodyguard þar sem hún lék gegnt Kevin Costner.

Whitney fannst látin í baðkeri á hótelherbergi í Los Angeles í fyrra.

Hún drukknaði í baði eftir að hafa neytt kókaíns og áfengis, 48 ára að aldri.

Meðal annars hlaut hún Grammy-verðlaunin fyrir lag sitt: I wanna dance with somebody.

Houston átti lengi við vímuefnavanda að stríða og fór síðast í vímuefnameðferð ári fyrir dauða sinn.

Elvis Presley

Elvis Presley var kallaður Konungur Rokksins, eða einfaldlega Konungurinn.

Hann naut gífurlegra vinsælda um lönd og álfur og hlaut fjölda verðlauna og viðurkenninga fyrir tónlist sína, þar á meðal þrjú Grammy verðlaun.

Hann lék einnig í fjölda kvikmynda, en hans frumraun á hvíta tjaldinu Love Me Tender var árið 1956.

Eitt af hans vinsælustu lögum, Heartbreak Hotel, samdi Presley eftir að hafa lesið sjálfvígsbréf sem birtist á prenti  í The Miami Herald.

Presley háði lengi baráttu við fíkniefni, en þegar hann lést var talið að um fjórtán tegundir efna og lyfja væru í líkama hans.

Hann var 42 ára þegar hann lést, árið 1977.

Janis Joplin

Janis Joplin var þekkt sem drottning rokksins, þrátt fyrir ungan aldur og stuttan feril.

Hún sló fyrst í gegn sem söngkona hljómsveitarinnar Big Brother and the Holding Company uppúr 1960, en hóf svo sinn fjögurra-ára sólóferil stuttu síðar.

Joplin spilaði meðal annars á goðsagnakenndum hátíðum eins og Monterey Pop Festival og Woodstock, svo eitthvað sé nefnt.

Hún samdi ein eða flutti lög annarra - mörg gríðarlega þekkt lög á viðburðarríkum ferli sínum, meðal annars lagið Me and Bobby McGee.

Umboðsmaður hennar hóf að leita að henni eftir að hún mætti ekki í upptökustúdíó sem hafði verið bókað undir hana.

Umboðsmaðurinn kom hann að henni látinni á hótelherbergi sínu í Los Angeles.

Krufning leiddi í ljós að Janis Joplin hafði tekið of stóran skammt af heróíni, aðeins 27 ára gömul.