Selena mætti þunn í viðtal hjá Leno

Selena Gomez mætti þunn í viðtal til þáttastjórnandans Jay Leno á dögunum. Stúlkan fagnaði 21 árs afmæli sínu á mánudagskvöldið og sletti ærlega úr klaufunum af því tilefni.

Leno spurði stúlkuna hversu marga drykki hún hefði fengið sér og hún svaraði um hæl: „Ég man það ekki.“ Þá spurði hann hana hvort hún væri að berjast við þynnkuna og svaraði hún því játandi.

Stúlkan ætlar þó ekki að láta mánudagsdjammið duga en hún ætlar að halda þemapartí um helgina. „Það verður afmælisveisla um helgina með sígaunaþema. Ég hlakka mikið til,“ sagði söngkonan við Jay Leno.