Kærleikur ríkir í Fjóluhvammi

„Báðir aðilar skildu sjónarmið hvor annars. Hér í götunni ríkir nágrannakærleikur,“ segir Aðalheiður Bragadóttir, forstöðukona hjá Vinamótum, um fund með íbúum í Fjóluhvammi í Hafnarfirði um drengjaheimili í götunni.

Nokkrir íbúanna telja drengjaheimilið vera atvinnustarfsemi sem eigi ekki að vera í íbúðargötu. Vinakot bauð til fundar á mánudag. Aðalheiður segir mætinguna hafa verið góða. Málin hafi verið rædd á málefnalegan hátt og í mestu vinsemd.

„Fundurinn gekk mjög vel,“ segir Aðalheiður.