Persónuleg skoðun ráði ekki ákvörðun

„Okkur einlæga von er að niðurstaðan muni ekki byggjast á persónulegri skoðun skipulagsfulltrúa,“ segja Aðalheiður Bragadóttir og Jóhanna Fleckenstein forstöðukonur hjá Vinakoti sem rekur tvö heimili fyrir unglinga með hegðunarvanda í Hafnarfirði.

Í yfirlýsingu Aðalheiðar og Jóhönnu vegna fjölmiðlaumfjöllunar um málefni heimilis Vinakots fyrir drengi í Fjóluhvammi er ítrekað að ekki liggi fyrir niðurstaða hjá skipulags- og byggingaráði Hafnarfjarðar um það hvort Vinakot teljist stofnun eða heimili. Komið hefur fram að einhverjir íbúar götunnar telji um að ræða atvinnustarfsemi sem ekki eigi heima í íbúðargötu.

„Okkur einlæga von er að niðurstaðan muni ekki byggjast á persónulegri skoðun skipulagsfulltrúa Hafnarfjarðarbæjar heldur faglegum grunni og lögfræðilegu áliti. Einnig viljum við jafnframt taka það fram að hagsmunir skjólstæðinga okkar eru og verða alltaf í fyrirrúmi,“ segir í yfirlýsingu forstöðukvennanna sem bjóða íbúum Fjóluhvamms í kaffi á mánudaginn þar sem starfsemin verðiur kynnt og spurningum svarað.

Aðalheiður og Jóhanna benda á að umfjöllun undanfarinna daga snúist eingöngu um staðsetningu drengjaheimilisins í Fjóluhvammi.

"Vinakot er sjálfstætt rekið bússetuúrræði ætlað börnum og unglingum sem glíma við fjölþættan hegðunarvanda. Unnið er  í samræmi við barnasáttmálann og staðla Barnaverndarstofu um vistun eða fóstur barna og unglinga á vegum barnaverndarstofu. Það ríkir engin óvissa varðandi starfsemi  Vinakots," segir í yfirlýsingu forstöðukvennanna.