Láta pólitík eiga sig í skólanum

„Þetta er mjög óvenjulegt að tveir í svona litlum bekk eigi möguleika á að komast inn á þing hvor fyrir sinn flokkinn," segir Karl Garðarsson, laganemi við Háskólann í Reykjavík og frambjóðandi fyrir Framsóknarflokkinn í Reykjavíkurkjördæmi suður.

Hann og bekkjarfélagi hans, Vilhjálmur Árnason, sem er í fjórða sæti fyrir Sjálfstæðisflokkinn í Suðurkjördæmi, eru báðir á leið inn á þing ef marka má síðustu könnun Capacents. Þeir hafa verið saman í bekk í þrjú ár og útskrifast í vor.

„Það er oft skemmtileg umræða okkar á milli þar sem við sitjum hlið við hlið daglega. Á sama tíma og við vinnum saman að verkefnum erum við samkeppnisaðilar í pólitíkinni," segir Karl.

Hann segir þó ekki verið að keppa um hylli bekkjarfélaganna?

„Nei, við erum ekki að slást um atkvæði innan bekkjarins. Þetta verður þó eflaust skemmtileg kosningabarátta," segir Karl.